जाजरकोट
नेकपा (माओवादी केन्द्र) का उप–महासचिव शक्ति बहादुर बस्नेतले जनयुद्ध शव्दलाइ अस्वीकार गर्नेहरु संघीयता विरोधी भएको बताएका छन् । भेरी नगरपालिका–१ रिम्नामा ३० औं जनयुद्ध दिवसको अबसरमा आयोजित कार्यक्रमलाइ सम्बोधन गर्दै उप–महासचिव बस्नेतले यस्तो बताएका हुन् ।
शहिद स्मृति युवा क्लवल जाजरकोटले आयोजना गरेको कार्यक्रमलाइ सम्बोधन गर्दै नेपाल सरकारका पुर्व उर्जा, जलस्रोत तथा सिंचाइ मन्त्री बस्नेतले राज्यसत्ताका विरुद्ध जनताले लडेको लडाइनै जनयुद्ध भएको भनाइ राखेका थिए । नेपालको इतिहासमा सबैभन्दा बढि जनताको सहभागितामा लडेको लडाइनै जनयुद्ध भएको उनले बताएका थिए । जनयुद्धले जन्माएका एजेण्डाहरुको दृष्टिले हेर्ने हो भने, जनयुद्ध न्यायपूर्ण युद्ध थियो सांसद बस्नेतले भने, ‘जनयुद्धले संघीयता जन्मायो, जनयुद्धले समावेशिता र समानुपातिक प्रतिनीधित्वको कुरा उठायो, जनयुद्धले गणतन्त्रको नारा उठायो, जनयुद्धले सिंहदरवारमा केन्द्रित राज्य व्यवस्थालाइ गाउँ–गाउँमा पु¥याउनु पर्छ भन्ने कुरा ग¥यो, जनताको एजेण्डा उठायो, त्यतिमात्र हैन गाँस, बास, शिक्षा, स्वास्थ्य र रोजगारीको ग्यारेन्टी हुनुपर्छ भन्ने आवाज उठायो ।’ व्यापक सहभागितामा जनताले लडेको लडाइलाइ स्वीकार नगर्नेहरुले जनता र संघीयतालाइ स्वीकार गर्न नसक्ने सांसद बस्नेतले भनाइ राखेका थिए ।
नेपालमा संस्थागत विकासको सुरुवात २०१३ सालदेखि भएता पनि जाजरकोट जिल्लामा गणतन्त्र प्राप्तपछि मात्र मोटरबाटो पुगेको उप–महासचिव बस्नेतले बताए । विक्रम सम्बत १९६८ सालदेखि नेपालमा विद्युत उत्पादन सुरु भएतापनि जाजरकोटमा ११३ बर्ष पछि मात्र विद्युतिकरणको प्रक्रिया सुरु भएको बताए ।
पुर्वपश्चिमलाई जोड्ने मध्यपहाडी राजमार्ग, उत्तरदक्षिणलाइ जोड्ने भेरी करिडोर, कपिलबस्तुको लुम्बिनीबाट मुगुको रारा हुदै हुम्लाको हिल्सालाइ जोड्न लुम्बिनी–रारा पर्यटन राजमार्गले जाजरकोट जिल्लाका अधिकांश गाउँबस्तीलाइ केन्द्रीय सडक संजालसंग जोडेको उप–महासचिब बस्नेतले भनाइ राखेका थिए । छिन्चु, सल्लीबजार देखि थाप्लोमा नुन बोकेर खानुपर्ने स्थितिको अन्त्य भएको उनले भनाइ राखेका थिए ।
जिल्लाको शैक्षिक विकासलाइ माथि उठाउन सामुदायिक क्याम्पसलाइ आंङ्गिक क्याम्पस बनाएका छौं उप–महासचिव बस्नेतले भने, ‘प्राविधिक शिक्षा हासिल गर्न, चितवन, हेटौडा, पोखरा लगाएतका ठाउँहरुमा जानुपर्ने बाध्यताको अन्त गर्न हामीले जाजरकोट बुहुँ प्राविधिक शिक्षालयलाइ संचालनमा ल्याएका छौं ।’ त्यसैगरी स्वास्थ्य सेवालाइ व्यवस्थित गर्न जिल्ला सदरमुकाम खलंगामा ५० शैयाको अस्पतालन निर्माण गरेको बताउदै उप–सचिव बस्नेतले युवाहरुलाई जिल्लामै रोजगारी सिर्जना गर्न सकिने योजना निर्माण गरेर अगाडी बढ्नुपर्ने भनाइ राखेका थिए ।
नेपाल एकीकरणको लागि पृथ्वीनारायण शाहले लडेको लडाइमा जनयुद्धको भन्दा कम जनताको सहभागितामा रहेको नेत्र विक्रम चन्द ‘विप्लव सी’ नेतृत्व रहेको नेकपाका केन्द्रीय सदस्य केवी मल्लले भनाइ राखेका थिए । जनताले लडेको लडाइलाइ जनयुद्ध भन्नुपर्ने तर्क गर्दै केन्द्रीय सदस्य मल्लले लडाइ सुरुवात गरेको दिनलाइ जनताले जनयुद्ध दिवस नमाएर ललिता निवास जग्गा काण्डको दिवस मनाउने ? भनेर प्रश्न गरेका थिए । वर्गिय मुक्तिको लागि जनताले स्वतन्त्रताको लडाइ सुरु गरेको दिनलाइ जनताले जनयुद्ध दिवसका रुपमा मनाउन पाउनु पर्ने केन्द्रीय सदस्य मल्लले भनाइ राखेका थिए ।
३० औं जनयुद्ध दिवसको अवसरमा शहिद स्मृति युवा क्लव जाजरकोटले आयोजना गरेको त्रिवेणी रिम्ना मेला, खेलकुद तथा साँस्कृतिक कार्यक्रम–२०८१ को उद्घाटन समारोहमा नेकपा (माओवादी केन्द्र) का उप–महासचिव शक्ति बहादुर बस्नेत, केन्द्रीय सदस्य गणेश प्रसाद सिंह, नेकपाका केन्द्रीय सदस्य केवी मल्ल, जिल्ला संयोजक सुर्यकिरण सी, नेकपा (माओवादी केन्द्र) निकट अनेरास्ववियु (क्रान्तिकारी) का केन्द्रीय उपाध्यक्ष अटल आचार्य, शहिद परिवारको तर्फबाट नलगाड नगरपालिका–१० को वडाअध्यक्ष अनिता रोका लगाएतका वक्ताहरुले मन्तव्य राखेका थिए भने, भेरी नगरपालिका–१ का वडा अध्यक्ष दिपक रानाले स्वागत भाषण गरेका थिए । चर्चित तथा लोकप्रिय गायक बद्री पङ्गेनीले प्रस्तुति राखेका थिए ।
३० औं जनयुद्ध दिवसको अवसरमा शहिद स्मृति युवा क्लव जाजरकोटले आयोजना गरेको त्रिवेणी रिम्ना मेला, खेलकुद तथा साँस्कृतिक कार्यक्रम–२०८१ तीन दिनसम्म संचालन गरिने आयोजक समितिले जनाएको छ । भलिवल प्रतियोगिता सहित विभिन्न साँस्कृतिक कार्यक्रमको आयोजना गरिने मेला भर्न जाजरकोट जिल्ला सदरमुकाम, भेरी नगरपालिकाका विभिन्न वडा र छिमेकी रुकुमपश्चिम जिल्लाका नागरिकहरु सहभागी हुने शहिद स्मृति युवा क्लव जाजरकोटका अध्यक्ष प्रेम विश्वकर्माले जनाएका छन् ।
