जाजरकोट
जाजरकोटको भेरी र नलगाड नगरपालिकाका पाँच हजार भन्दा बढि बालबालिका बाल स्पोन्सरशिपमा दर्ता भएका छन् । शिक्षा, स्वास्थ्य, पोषण, सुरक्षा जस्ता समग्र बाल विकास र उज्जवल भविश्यको लागि भेरी र नलगाडका पाँच हजार भन्दा बढि बालबालिका बाल स्पोन्सरशिपमा दर्ता भएका हुन् ।
स्थानी तहसंगको समन्वयमा वल्र्ड भिजन इन्टरनेशनल नेपाल र पाँचतारा युवा संरक्षक मञ्च जाजरकोटको साँझेदारीमा भेरी र नलगाड नगरपालिकामा संचालित स्पोन्सरशिप परियोजनाले दुइ बर्षदेखि माथि र आठ बर्षभन्दा मुनीका ५ हजार २८० जना बालबालिकालाइ बाल स्पोन्सरशिपमा दर्ता गरेको परियोजना संयोजक वीरेन्द्र कुमार थारुले जानकारी दिएका छन् । भेरी नगरपालिकाका ३ हजार २० जना र नलगाड नगरपालिकाका २ हजार २६० जना बालबालिका बाल स्पोन्सरशिपमा दर्ता भएका छन् परियोजना संयोजक थारुले भने, ‘भेरी नगरपालिकामा टाइवानले सर्पोट गरेको छ भने, नलगाड नगरपालिकामा अस्ट्रेलियाले सर्पोट गरेको छ ।’
वडा स्तरीय बाल अधिकार समितिको सिफारिसमा २ देखि ८ बर्षसम्मका बालबालिकालाइ बाल स्पोन्सरशिपमा दर्ता गर्दै आएको परियोजनाले भेरी नगरपालिकाको वडा नं. ६, ७, ८, ९, १०, ११ र १२ का ३ हजार ५०० बालबालिका र नलगाड नगरपालिकाको वडा नं. १, २, ३, ४, ५, ६ र ७ का ३ हजार बालबालिकालाइ बाल स्पोन्सरशिपमा दर्ता गर्ने लक्ष्य लिएको परियोजना संयोजक थारुले जानकारी दिए ।
भेरी नगरपालिकामा तीन बर्ष पहिला र नलगाड नगरपालिकामा दुइ बर्ष पहिलादेखि कार्यक्रम संचालन गर्दै आएको वल्र्ड भिजन इन्टरनेशनल नेपाल र पाँचतारा युवा संरक्षक मञ्च जाजरकोटले बाल स्पोन्सरशिप परियोजनासंगै समाबेशी गुणस्तरीय शिक्षा परियोजना पनि संचालन गरेका छन् । बाल स्पोन्सरशिप परियोजनाले बालबालिकाहरुको शिक्षण सिकाइ उपलब्धीको मात्रा र गुणमा विकास गराउन बाल स्पोन्सरशिप कार्यक्रममा दर्ता भएका बालबालिकाको वरिपरि रहेका अन्य थप ४ जना बालबालिकाको बाल समृद्धिको लागि काम गर्दै आएको परियोजना संयोजक थारुले बताएका छन् ।
बालबालिकाहरुको शिक्षामा पहुच वृद्धि गर्न भेरी नगरपालिकामा १५ वटा र नलगाड नगरपालिकामा १० वटा गरी जम्मा २५ वटा बिद्यालयमा परियोजनाले काम गर्दै आएको छ । शिक्षकहरुको पेशागत क्षमता अभिबृद्धी गर्न तालिम, बालमैत्री भवन निर्माण, खानेपानी धारा निर्माण, बालबालिकाहरुको सिकाइ वातावरण निर्माण गर्न बसाई ब्यावस्थापन समग्री (कार्पेट, पी फर्म, राउन्ड टेबल, ६ सिकाइ कुना, बुक ¥याक) सहयोग गरेको संयोजक थारुले बताए । बालबालिकाहरुको पठन सीपको बिकासका लागि भेरी नगरपालिकामा ५० र नलगाड नगरपालिकामा ३० गरि ८० वटा पढाइ शिविर सन्चालन गर्दै आएको थारुले जानकारी दिए ।
परियोजनाले बालबालिकाहरुको प्रारम्भिक स्वस्थ्य शिबिर, अपाङ्गता पहिचान शिबिर पनि सन्चालन गर्दै आएको छ । बाल क्लब गठन, तालिम, बालबालिकासंग सम्बन्धित योजना तर्जुमा तथा नीति निर्माणमा प्राबिधिक सहयोग र बालमैत्री स्थानीय शासन अभियानमा वकालत गर्नुको साथै परियोजनाले दुबै स्थानीय तहलाई सहयोग गर्दै आएको छ । बाल संरक्षण तथा बाल समृद्धि सम्बन्धिका विभिन्न कार्यक्रमहरु संचालन गर्दै आएको परियोजनाले भेरी नगरपालिकाको वडा नं. ८ लाइ गत भदौं १८ गते बालमैत्री वडा घोषणा गर्न प्राविधिक सहयोग गरेको थियो भने, नलगाड नगरपालिकाको वडा नं. २ लाइ आगामी फागुन महिनाको अन्तिम सातामा बालमैत्री वडा घोषणा गर्ने गरी प्राविधिक सहयोग गरिरहेको छ ।
