जाजरकोट
नलगाड नगरपालिका–१० ध्यारगाउँमा सुख्खा पहिरोमा परि चार जना महिला घाइते भएका छन् । माथिबाट आएको सुख्खा पहिरोले पुरेपछि चार जना स्थानीय महिला घाइते भएका हुन् ।
आइतबार विहान १० बजेको समयमा माथिबाट आएको सुख्खा पहिरोले पुरिएर चार जना स्थानीय महिला घाइते भएको जिल्ला प्रहरी कार्यालय, जाजरकोटले जानकारी दिएको छ । खानेपानी आयोजना निर्माणको लागि गिठ्ठी कुट्ने क्रममा एक्कासी माथिबाट आएको सुख्खा पहिरोले उनीहरुलाइ पुरेको थियो ।
जिल्ला प्रहरी कार्यालयले दिएको जानकारी अनुसार नलगाड नगरपालिका–१० निबासी ५० बर्षिय कलधरी नेपाली, ४५ बर्षिय डम्मरी कुमारी बोहरा, ४५ बर्षिय लालसरी नेपाली र ३० बर्षिय कमला विक सुख्खा पहिराले पुरिएर घाइते भएका छन् ।
कलधरी नेपालीको ढाडमा चोट लागेको, डम्मरी कुमारी बोहराको कम्मर देखी तलको भाग नचल्ने अबस्था भएको, कमला बिकको बाँया हात र बाया खुट्टा सुनिएका र लाल सरी नेपालीको अबस्था समान्य रहेको पहरीले जनाएको छ । लालसरी नेपालीको स्थानिय मेडिकलमा उपचार भईरहेको भने, अन्य तीन जना घाइतेलाइ नलगाड नगरपालिकाको एम्बुलेन्समा राखेर नगर अस्पताल दल्ली ल्याएर उपचार भइ रहेको प्रहरीले जानकारी दिएको छ ।
