जाजरकोट
जिल्ला स्तरीय अर्धबार्षिक प्रगति समिक्षा बैठक सोमबारबाट सुरु भएको छ । जिल्ला समन्वय समितिको आयोजनामा जिल्ला स्तरीय अर्धबार्षिक प्रगति समिक्षा बैठक सुरु भएको हो ।
जिल्लाका सात वटै स्थानीय तह, जिल्ला स्थित संघ, प्रदेश कार्यालय र विकास साँझेदार निकायहरुको कार्यसम्पादन मुल्याङ्कण गर्नुको साथै आबश्यक पृष्ठपोषणको लागि अर्धबार्षिक प्रगति समिक्षा बैठकको आयोजना गरिएको जिल्ला समन्वय समितिको कार्यालयले जनाएको छ । अर्धबार्षिक प्रगति समिक्षा बैठक तीन दिनसम्म संचालन गरिने जिल्ला समन्वय अधिकारी बुद्धी बहादुर खत्रीले जानकारी दिएका छन् । प्रगति समिक्षा बैठकको पहिलो दिन जिल्लाका सात वटै पालिकाले विगत साउन १ गतेदेखि पुस मसान्तसम्म गरेका कामको प्रगति प्रस्तुत गरेका थिए भने, दोस्रो दिन संघ र प्रदेश स्तरीय कार्यालयबाट गरिएको कामको प्रगति प्रस्तुत गर्ने, तेस्रो दिन गैरसरकारी संस्था तथा विकास साँझेदारबाट गरिएको कामको प्रगति प्रस्तुत गर्ने कार्यतालिका रहेको समन्वय अधिकारी खत्रीले बताए ।
अर्धबार्षिक प्रगति समिक्षा बैठक सफलताको शुभकामना दिदै कर्णाली प्रदेश सभा ‘क’ सदस्य तथा पुर्वमन्त्री वेदराज सिंहले नेपालमा संस्थागत विकासको सुरुवात २०१३ सालबाट भएको बताए । नेपालको संस्थागत विकासका ६८ बर्षलाइ दुइ भागमा विभाजन गरेर हेर्ने हो भने, नेपालमा संघीय लोकतान्त्रिक गणतान्त्रिक ब्यबस्थाका पुर्वका ५० बर्षभन्दा यताका १८ बर्ष विकासका बर्षहरु भएको माननीय सिंहले भनाइ राखेका थिए । नेपालको अहिलेको व्यवस्थाको विकल्प नभएको बताउदै प्रदेश सांसद सिंहले जनताको सेवामा सबैभन्दा बढि वडा अध्यक्षहरु खटेको भएता पनि वडा अध्यक्षप्रति कोही पनि नागरिक सन्तुष्ट हुन नसकेको बताए । जनताको घर नजिकको सरकार गाउँ तथा नगरपालिका भएको बताउदै सांसद सिंहले गाउँ तथा नगरपालिकाले गरेको कामको प्रसंशा गर्न कोही पनि नागरिक तयार नभएको बताए ।
प्रदेश सरकारले तर्जुमा गरेका योजना र विनियोजन गरेको बजेटप्रति कुनै पनि नागरिकले आत्मसन्तुष्टी प्राप्त गर्न नसकेको बताउदै प्रदेश सांसद सिंहले अहिलेको संघीयताको विकल्प हिजोको एकात्मक व्यवस्था हुन नसक्ने बताए । दिनभर कामै नगरेर बिहान, बेलुका पेटभरी खाना र राम्रो लगाउन पाउने यति सुन्दर व्यवस्था नेपालमा मात्र भएको बताए । नागरिक स्वतन्त्रता र अधिकार पक्षमा नेपालको व्यवस्था हुदा हुदै पनि नागरिकलाइ सन्तुष्ट बनाउन नसक्नुको जिम्मेवार हामीनै छौं सांसद सिंहले भने, ‘विश्वकै उत्कृष्ट देश अमेरिकामा पनि काम नगरे खाना पाउने व्यवस्था छैन, नेपालको यति सुन्दर व्यवस्थाका विषयमा नागरिकलाइ बुझाउन सकेका छैनौं, यसको जिम्मेवारी हामीले लिलनु पर्छ ।’
अहिलेको वेथिति र सुशासनको जिम्मा जनप्रतिनीधि र राष्ट्रसेवक कर्मचारीले लिनुपर्ने बताउदै प्रदेश सांसद सिंहले आगामी दिनमा वडास्तरीय योजना बैंक निर्माण गर्नुपर्ने भनाइ राखेका थिए । वडा स्तरमा निर्माण गरिएका योजना बैंकलाइ गाउँ तथा नगर कार्यापालिका र सभाबाट पास गरेर प्रदेश र संघमा पठाउने, प्रदेश र संघको रोष्टरमा बसेका योजना बैंकबाटनै संघ र प्रदेश सरकारले योजना तर्जमा गर्ने परिपाटीको विकास गर्नुपर्ने प्रदेश सांसद सिंहले भनाइ राखेका थिए ।
जिल्ला समन्वय समितिका प्रमुख काली बहादुर खत्रीको अध्यक्षतामा सुरु भएको अर्धबार्षिक प्रगति समिक्षा बैठकमा छेडागाड नगरपालिकाले चालु र पुँजीगतगरी हालसम्म ४० प्रतिशत खर्च गरेको देखाएको छ । ९० लाख राजश्व संकलन गर्ने लक्ष्य लिएको छेडागाडले हालसम्म २४ लाख राजश्व संकलन गरेको प्रगति समिक्षामा प्रस्तुत गरेको छ । २ हजार ७३० घरपरिवारलाइ अस्थायी आबासको अन्तिम किस्ता भुक्तानी दिएको छेडागाडले देखाएको छ ।
त्यसैगरी कुशे गाउँपालिकाले हालसम्मको चालु र पुँजीगत खर्च ३२ प्रतिशत देखाएको छ भने, २ लाख राजश्व संकलन गरेको देखाएको छ । हालसम्म १४९ घरपरिवारलाइ अस्थायी आबासको अन्तिम किस्ता भुक्तानी दिएको कुशे गाउँपालिकाले देखाएको छ । जुनीचाँदे गाउँपालिकाले हालसम्मको चालु र पुँजीगत खर्च ३१ प्रतिशत देखाएको छ ।
शिवालय गाउँपालिकाले हालसम्मको चालु र पुँजीगत खर्च २७ प्रतिशत देखाएको छ । २ हजार ४०४ घरपरिवारलाइ अस्थायी आबासको अन्तिम किस्ता भुक्तानी दिएको देखाएको छ । त्यसैगरी बारेकोट गाउँपालिकाले हालसम्मको चालु र पुँजीगत खर्च ३० प्रतिशत देखाएको छ । २२ लाख १९ हजार राजश्व संकलन गरेको बारेकोटले देखाएको छ । ४ हजार १०८ घरपरिवारलाइ अस्थायी आबासको अन्तिम किस्ता भुक्तानी दिएको बारेकोटले २०० घरपरिवारलाइ मात्र अस्थायी आबासको अन्तिम किस्ता दिन बाँकी रहेको देखाएको छ ।
त्यसैगरी नलगाड नगरपालिकाले हालसम्म चालु र पुँजीगत खर्च ३१ प्रतिशत देखाएको छ । एक करोड ५ लाख राजश्व संकलन गर्ने लक्ष्य लिएको नलगाड नगरपालिकाले हालस ३५ लाख राजश्व संकलन गरेको देखाएको छ । हालसम्म नलगाड नगरपालिकाले ४ हजार ८१३ घरपरिवारलाइ अस्थायी आबासको अन्तिम किस्ता भुक्तानी दिएको देखाएको छ ।
त्यसैगरी भेरी नगरपालिकाले हालसम्म चालु र पुँजीगत खर्च ३०.७० प्रतिशत देखाएको छ । कर तथा गैरकर गरी साडी दुइ करोड भन्दा बढि राजश्व संकलन गर्ने लक्ष्य लिएको भेरी नगरपालिकाले कर तथा गैरकरबाट हालसम्म एक करोड ७३ लाख २५ हजार २०१ राजश्व संकलन गरेको देखाएको छ । अस्थायी आबास निर्माणको लागि पहिलो किस्ता लिएका ६ हजार २२९ घरपरिवार मध्ये ३ हजार ११३ घरपरिवारलाइ अस्थायी आबासको अन्तिम किस्ता भुक्तानी दिएको भेरी नगरपालिकाले प्रगति समिक्षा बैटकमा देखाएको छ ।
अर्धबार्षिक प्रगति समिक्षा बैठकको संचालन जिल्ला समन्वय समितिका सदस्य खडक विसीले गरेका छन् भने, स्वागत भाषण जिल्ला समन्वय समितिका उप–प्रमुख दल बहादुर सिंहले गरेका थिए ।
