जाजरकोट
भेरी नगरपालिकामा लागु औषध नियन्त्रण तथा रोकथाम सम्बन्धी अभिमुखीकरण तथा प्रशिक्षण कार्यक्रम सम्पन्न भएको छ । नगरपालिका स्तरीय लागु औषध नियन्त्रण समिति, कार्यपालिका सदस्य र सरोकारवालाहरुलाइ भेरी नगरपालिकाले बिहिबार लागु औषध नियन्त्रण तथा रोकथाम सम्बन्धी अभिमुखीकरण तथा प्रशिक्षण दिएको हो ।
उक्त अभिमुखीकरण तथा प्रशिक्षण कार्यक्रमलाइ बशन्तराज कुँवरले सहजीकरण गरेका थिए । लागु औषध दुव्र्यसनी रोकथाम तथा नियन्त्रणको क्षेत्रमा लामो समयको अनुभव हासिल गरेका कँुवरले नेपालको राजसंस्था पतको मुख्य कारण ड्रक्स सेवन भएको बताएका थिए । राजनीतिक कारणले नेपालको राज संस्था अन्त्य भएको हैन प्रशिक्षक कुँवरले भने–‘ड्रक्स सेवनका कारण नेपालको राजसंस्थाको अन्त्य भएको हो ।’
अघाउनका लागि खाइने सबै चिजहरु खाना भएको बताउदै प्रशिक्षक कुँवरले लठ्याउने सबै चिजहरु ड्रक्स भएको बताए । कुनैपनि लागु औषधले थोरै खाए उत्तेजित बनाउने, अलि बढि खाए निधाउने, त्यो भन्दा बढि खाए बेहोस बनाउने र अझ बढि खाए मृत्यु गराउने प्रशिक्षक कुँवरले बताए । मन लट्ठिएपछि अनुभुति नहुने, अनुभुति नभएपछि दया माया नहुने बताउदै प्रशिक्षक कुँवरले माया दया नभएपछि हिंसा हुने भनाइ राखेका थिए ।
गत बर्षदेखि लागु औषध दुव्र्यसन विरुद्धको अभियान संचालन गरेको भेरी नगरपालिकाले चालु आवमा पनि निरन्तरता दिएको भेरी नगरपालिकाका प्रमुख चन्द्र प्रकास घर्तीले जानकारी दिए । लागु औषध दुव्र्यसन विरुद्धको अभियानलाइ लामो समयसम्म संचालन गर्नुपर्ने बताउदै नगर प्रमुख घर्तीले देश, राष्ट्र र व्यस्था संचालन गर्ने जिम्मेवारी नयाँ पुस्तालाइ हस्तान्तरण गर्नुपर्ने भनाइ राखेका थिए । व्यवस्था, राष्ट्र र देश संचालन गर्नसक्ने दक्ष जनशक्ति उत्पादन गर्न नयाँ पुस्तालाइ सत्मार्गमा हिढाउनु पर्ने प्रमुख घर्तीले भनाइ राखेका थिए । लागु औषध दुव्र्यसनले पारिवारिक कलह जन्माउने भनाइ राख्दै प्रमुख घर्तीले पारिवारिक कलहको प्रमुख कारक तत्वको अन्त्य गर्न नगरपालिकाले उक्त अभियान संचालन गरेको भनाइ राखेका थिए ।
