जाजरकोट
सिता भण्डारीे राजनीति र समाजिक कार्यमा जाजरकोट जिल्लाको पहिलो महिला हुन् । तत्कालिन खलंगा गाउँ पञ्चायत वडा नं. ३ बाहुनबाडा निबासी टिका प्रसाद भण्डारीको ठाइली छोरी भण्डारीको जन्म विक्रम सम्बत १९९७ सालको चैतमा भएको थियो ।
सामान्य लेखपढ गर्नसक्ने अनौपचारिक शिक्षा हासिल गरेकी भण्डारीले २०३९ सालमा तत्कालिन पञ्चायतको वर्गीय संगठनहरु मध्य महिला संगठनको जिल्ला सभापतिमा निर्वाचित भएकी थिइन । महिला संगठनको जिल्ला सभापति हुदा भण्डारीले खलंगा गाउंँ पञ्चायत वडा नं. २ थाप्लेचौरमा महिलाहरुको शीप विकासका लागि आफ्नै जग्गा र भवनमा नारी शिल्पकला केन्द्रको स्थापना गरेकी थिइन् । विक्रम सम्वत् २०४३ मा राष्ट्रिय पञ्चायत सदस्यको निर्वाचनमा भण्डारी उम्मेदवार बनेर ८ जना अन्य उम्मेदवारसंग प्रतिष्पर्धा गरेकी थिइन । राष्ट्रिय पञ्चायत सदस्यमा भण्डारीले जेत विक्रम शाह, दिप बहादुर सिंह, कृष्ण बहादुर शाही, बलराम शाह, तेज बहादुर रोकाय, कौशी बहादुर खड्का, चन्द्र बहादुर वली लगाएतका उम्मेदवारहरुसंग प्रतिष्पर्धा गरेकी थिइन् । भण्डारीले विगत १५ वर्षदेखि आफ्नो वुवा टिका प्रसाद भण्डारीको नाममा २ लाख राशीको त्रिभुवन माध्यामिक विद्यालयमा जेहन्दार छात्रवृत्ति कोष स्थापना गरी नियमित छात्रवृत्ति वितरण गरिरहेकी छन् ।
२०३९ साल भन्दा पहिला नै भण्डारीले खानेपानी उपभोक्ता समितिको अध्यक्ष, विद्यालय व्यवस्थापन समितिको अध्यक्ष जस्ता पदको जिम्मेवारी समालि सकेको बताएकी छन् । भेरी ज्ञानोदय क्याम्पस संचालक समितिमा रहेर आफुले काम गरेको अनुभव सुनाउने गरेकी छन् । रामजानकी मन्दीरलाइ जग्गा दान गरेकी ८४ बर्षिय भण्डारीले भेरी नगरपालिकाको साँझेदारीमा रामजानकी मन्दिरको पुननिर्माण गरेकी छन् । जाजरकोट भूकम्प पश्चात महिलामैत्री सुरक्षित स्थल निर्माण गर्न जग्गा दान गरेकी भण्डारीले यही चैत्र १६ गते देखि २४ गतेसम्म आफ्ना परिवारजनको सहयोगमा नवाह महायज्ञको आयोजना गरेकी छन् ।
पाँच दशक जाजरकोट जिल्लामा निरन्तर रुपमा शैक्षिक, आध्यात्मिक, धार्मिक तथा सामाजिक सेवामा क्रियाशिल भण्डारी जन्मजात रुपमा आध्यात्ममा विश्वास राख्ने गर्छिन । उनले २०४२ साल देखि हिन्दू धर्मको वैष्णव सम्प्रदायमा समाहित भएर धार्मिक, सांस्कृतिक, आस्तिक र शात्विक मान्यतानुसार शाकाहारी भोजन सहित शात्विक आचरणमा हिंड्ने गरेकी छन् ।
तेज प्रसाद भण्डारी उनको जेठा दाइ हुन भने, कृष्ण प्रसाद भण्डारी माइलो दाइ हुन् । केशव प्रसाद भण्डारी उनको कान्छो दाइ हुन् । हरि पौडेल उनको जेठी दिदी हुन् भने, केरार लामिछाने माइली दिदी हुन् । खगेन्द्र रजौरे उनको साइलो दिदी हुन भने, भगवति रेग्मी काइली दिदी हुन् । सत्यदेवी खड्का उनको कान्छी बैनी हुन् । पुरुषोतम भण्डारी, अच्छुत भण्डारी, हृरण्य भण्डारी उनका भदै हुन् ।
(नागरिक समाज जाजरकोट संयोजक राजेन्द्र विक्रम शाहको सहयोगमा तयार पारिएको समाचार ।)
