जाजरकोट
नलगाड नगरपालिकाको दल्लीमा जलवायु परिवर्तन अनुकुलन सम्बन्धी ६ दिने तालिमको सुरुवात भएको छ । सुक्रबार औपचारिक कार्यक्रमको आयोजना गरेर उक्त तालिमको शुभारम्भ गरिएको हो ।
नलगाड र भेरी नगरपालिका सहित रुकुमपश्चिम, डोल्पा जिल्ला ८ वटा स्थानीय तहहरुको आयोजनामा उक्त तालिमको सुरुवात गरिएको हो । सबैको लागि दिगो खानेपानी, सरसफाइ तथा स्वच्छता आयोजना (SUWA) ले उक्त तालिमको सहजीकरण गरेको छ ।
जलवायु परिवर्तन अनुकुलन, विपद जोखिम न्युनिकरण, बायो–ईन्जिनियरिङ र मुलाधार÷जलाधार व्यवस्थापनका बिषयमा ६ दिनसम्म तालिम संचालन गरिने सबैको लागि दिगो खानेपानी, सरसफाइ तथा स्वच्छता आयोजना (SUWA) नलगाड संयोजक चन्द्र बहादुर पुनले जानकारी दिएका छन् । तालिममा नगर तथा गाउँपालिकामा कार्यरत प्राविधिक, सबैको लागि दिगो खानेपानी, सरसफाइ तथा स्वच्छता आयोजना (SUWA) मा कार्यरत कर्मचारीहरु सहभागी रहेका छन् ।
तालिमले जलवायु परिवर्तन अनुकुलन, विपद जोखिम न्युनिकरण, बायो–ईन्जिनियरिङ र मुलाधार÷जलाधार व्यवस्थापनका विषयमा स्थानीय तहलाइ आबश्यक पर्ने जनशक्ति उत्पादन गर्न मद्दत गर्ने रुकुमपश्चिमको आठबीसकोट नगरपालिकाका प्रमुख रवी केसीले भनाइ राखेका थिए । आजका गाउँ तथा नगरपालिकाले पाइप वितरण नगरेको कुनै घर नभएको बताउदै प्रमुख केसीले मलाइ पाइप पुग्यो, अब मलाइ पाइप चाहिदैन भन्ने नागरिक गाउँमा कोही पनि नभेटिने भनाइ राखेका थिए । खानेपानी आयोजनालाइ गाउँ तथा नगरपालिकाहरुले व्यवस्थित गर्न नसक्दा यस्तो समस्या आएको बताउदै नगर प्रमुख केसीले खानेपानी आयोजनाहरुलाइ व्यवस्थित गर्न गाउँ तथा नगरपालिकाहरुलाइ सबैको लागि दिगो खानेपानी, सरसफाइ तथा स्वच्छता आयोजना (SUWA) ले सहयोग गर्नेमा विश्वास व्यक्त गरेका थिए ।
गत बर्षको भुकम्पले क्षेतीग्रष्त नलगाड नगरपालिकामा आयोजित ६ दिने तालिमको प्रयोगात्मक शिक्षाले भुकम्पको पुनर्निमार्णमा सहयोग पुग्ने नलगाड नगरपालिकाका प्रमुख डम्बर बहादुर रावतले भनाइ राखेका थिए । सबैको लागि दिगो खानेपानी, सरसफाइ तथा स्वच्छता आयोजना (SUWA) तीनै तहका सरकारको परियोजना भएको बताउदै नगर प्रमुख रावतले आयोजालाइ सफल बनाउन नगरपालिका संगसंगै रहेर काम गर्ने भनाइ राखेका थिए ।
नलगाड नगरपालिकाका प्रमुख रावतको अध्यक्षतामा आयोजित ६ दिने तालिम उद्घाटनको औपचारिक कार्यक्रमको प्रमुख अतिथि आठबीकोट नगरपालिकाका प्रमुख केसी रहेका थिए । त्यसैगरि अन्य अतिथिहरुमा नलगाड नगरपालिकाका उपप्रमुख देवका लामिछाने, नलगाड नगरपालिकाका प्रमुख प्रशासकीय अधिकृत शेर बहादुर पुन, प्रमुख प्रशिक्षक शेर बहादुर श्रेष्ठ, प्रशिक्षक दिपेश केसी, हेमराज अवस्ती, सन्तोष श्रेष्ठ, योहो हप्पाला, सुर्य बहादुर थापा, प्रमोदलाल श्रेष्ठ, गुम्ब नेपाली, नन्दलाल धरला रहेका थिए ।
तालिमको पहिलो दिनको पहिलो शेशनमा हाम्रो पृथ्वी र हाम्रो वातावरण, जलवायु परिवर्तन र दिगो विकास सम्बन्धी राष्ट्रीय अन्र्राष्ट्रीय प्रयासहरु, दिगो विकास लक्ष्य, राष्ट्रीय जलवायु परिवर्तन नीति–२०७६, राष्ट्रीय अनुकुलन आयोजना र स्थानीय अनुकुलन खाका–लापाका विषयहरुमा आफुले प्रशिक्षण दिने प्रमुख प्रशिक्षक श्रेष्ठले जानकारी दिएका थिए ।
