खोलाले बगाएर कुशे गाउँपालिका–५ दम्दालाका दुई जनाको मृत्यु भएको छ । मृत्यु हुनेमा जीत बहादुर थापा र साईमल कामी रहेको प्रहरीले जानकारी दिएको छ ।
धान गोड्न भनेर पाँच पहिले घरबाट बग्र (जिउला) गएका दुई जनालाई खोलाले बगाएर मृत अबस्थामा शुक्रबार फेला परेको स्थानीय निर्मला थापाले जानकारी दिएकी छन् ।
धान गोड्न भनेर घरबाट निक्लिएका दुबै जना पाँच दिनसम्म सम्पर्क बिहिन भएपछि उनीहरुलाई स्थानीयले खोजी गरेका थिए । खोजी कार्य गर्दा दुबै जनाको लास खोलाको छेउमा भेटिएपछि स्थानीयले प्रहरीलाई खबर गरेका छन् ।
स्थानीयले गरेको खबरका आधारमा प्रहरी चौकी पाँचकाटियाबाट प्रहरी टोली घटना स्थलतिर गई रहेको तर, घटना स्थलमा पुगि नसकेको प्रहरी नायव उपरिक्षक मधु कुमार थापाले जानकारी दिएका छन् । घटना स्थलमा प्रहरी टोली पुगिसकेपछि मात्र घटना सम्बन्धि बिस्तृत जानकारी प्राप्त हुने जिल्ला प्रहरी प्रमुख डिएसपी थापाको भनाई रहेको छ ।
