जाजरकोटमा ट्याक्टर दुर्घटनामा परि तिन जना घाइते भएका छन् । घाईते तीन जना मध्ये दुई जनाको अवस्था गम्भीर रहेको प्रहरीले जनाएको छ ।
भेरी नगरपालिका–४ शान्तिचौतारा देखि बोहरा तर्फ जाँदै गरेको ट्याक्टर बोहरा मोड नजिकै बुधबार दिउसो १ बजेतिर दुर्घटनामा परेको थियो । शान्तिचौतारा देखि बोहरा तर्फ चामल लिन जाँदै गरेको भे.२.त ३८८ नम्बरको ट्याक्टर दुर्घटनामा परि ट्याक्टर चालक सहित तिन जना घाइते भएका छन् । घाईते हुनेमा चालक कुशें गाउँपालिका–७ समाइलाका २६ बर्षिय नबराज जैसी, सहचालक १७ बर्षिय लोकेश जैसी र कुशे गाउँपालिका–५ का २० बर्षिय हरीचन्द्र सिंह रहेकोे प्रहरीले जनाएको छ । प्रहरीले दिएको जानकारी अनुसार चालक नवराज जैसी र सहचालक लोकेश जैसीको अबस्था गम्भिर रहेको बताईएको छ । चालक र सहचालकलाई उपचारको लागि नेपालगञ्ज लिईएको छ भने, सामान्य घाईते हरिचन्द्र सिंहको उपचार जाजरकोट अस्पतालमै भईरहेको छ ।
