मेरो गाउँले तिमीलाई दिएको भोट बिर्सियौं कि ?,
तिमीले माटो छोएर गरेको अठोट बिर्सियौं कि ? ।
व्यबहारमा पुष्टी नहुने कुरा गर्दा तिमीलाई पनि,
पंचेहरुलाई जस्तै लगाएको खोट बिर्सियौ कि ? ।
कहाँ पुगे आकाश चुम्ने आदर्शका ति तिम्रा कुरा,
चुनावी सरगर्मीमा लगाएको न्यानो कोट बिर्सियौ कि ? ।
मखमली फुल सम्झी जोगाउन, फलाउन र फैलाउन,
मतदाताले मतपेटिकामा लगाएको बोट बिर्सियौ कि ? ।
नदीनाला बिक्रि हुदै गएको देशका सिमाहरु खुम्चिएपनि,
नेपालको माटोले पाएको पीडायुक्त चोट बिर्सियौ कि ? ।
