जाजरकोट
जिल्ला सरमुकाम खलंगामा आध्यात्मिक प्रवचन कार्यक्रम सम्पन्न भएको छ । सकारात्मक जीवनका लागि आध्यात्मिक प्रवचन कार्यक्रम मंगलबार जिल्ला सदरमुकाम खलंगामा सम्पन्न भएको हो ।
भेरी नगरपालिकाको समन्वयमा ब्रहमा कुमारी ईश्वरिय विश्व विद्यालय भेरीगंगाको आयोजनामा ‘आजको आबश्यकता सकारात्मक जीवनका लागि आध्यात्मिकता’ बिषयक प्रवचन कार्यक्रम सम्पन्न भएको थियो । विज्ञानले बाह्य बस्तुको मात्र पहिचान गर्ने गरेको बताउदै ब्रहमा कुमारी ईश्वरिय विश्व विद्यालय नेपालगञ्जमा कार्यरत ब्रहमा कुमारी मुनाले आध्यात्मले आत्मिक चेतनाको पहिचान गर्ने भनाइ राखेकी थिइन् ।
आत्मिक चेतनाले मानव भावनामा हलचल पैदा गर्ने बताउदै ब्रहमा कुमारी मुनाले मानव चेतना र मानव भावनालाइ कन्ट्रोल गर्न आध्यात्मिकतासंग जोड्नु पर्ने बताएकी थिइन् । जीवनको आध्यात्मिक यात्रा निकै सुन्दर रहेको बताउदै मुनाले आध्यात्मिक यात्राले मान्छेलाइ अनुशासित बनाउने बताइन् । अबका हरेक मान्छेको मृत्यु अस्पतालको शैयामा हुने बताउदै ब्रहमा कुमारी मुनाले अस्पतालको शैयामा लगाइने विभिन्न सुइ र प्रयोग गरिने औषधिहरुले हरेक नागरिकको मृत्युलाइ झण्जटिलो बनाइ रहेको बताइन् । पञ्चतत्वले बनेको मानव जीवनलाइ आफैले रिचार्ज गर्नुपर्ने बताउदै ब्रहमाकुमारी मुनाले मानव जीवनलाइ आफैले रिचार्ज गर्न आध्यात्मिकतासंग जोड्नुपर्ने भनाइ राखेकी थिइन् ।
आध्यात्म बिनाको कम्युनिष्टहरुले भन्दै आएको बैज्ञानिक समाजवाद र काँग्रेसले भन्दै आएको प्रजातान्त्रिक समाजवाद अपुरो हुने भेरी नगरपालिकाका प्रमुख चन्द्र प्रकास घर्तीले भनाइ राखेका थिए । सन् २०३० सम्म विश्वका ४ अर्ब मान्छेहरु डिप्रेशनको सिकार बन्ने विश्व स्वास्थ्य संगठनले पक्षपन गरेको आध्यात्मिक प्रवचन कार्यक्रमका अध्यक्ष समेत रहेका नगर प्रमुख घर्तीले बताए । सुगर, प्रेसर, क्यान्सर, दम लगाएतका नसर्ने रोगहरुनै मानव मृत्युका मुख्य कारणहरु बन्न पुगेको बताउदै नगर प्रमुख घर्तीले डिप्रेशनको सिकार हुनबाट बच्नुको साथै सुगर, प्रेशर जस्ता नसर्ने रोगको उपचार गर्न आत्मिक चेतनालाइ शान्त र स्थिर बनाउनु पर्ने भनाइ राखेका थिए । नगर प्रमुख घर्तीले आध्यात्मिक ज्ञान हासिल गरेर वा प्रवचन सुनेर, योग, साधना र ध्यान गरेर आत्मिक चेतनालाइ स्थिर बनाउन सकिने बताएका थिए । आध्यात्मिक यात्राको पुजापाठ, कर्मकाण्डले मानव चेतनामा शान्ती प्राप्त हुने नगर प्रमुख घर्तीले बताए ।
खलंगाको माथिल्लो थाप्लेमा रहेको होटल रिद्धिशिद्धिको सभाहलमा आयोजना गरिएको आध्यात्मिक प्रवचन कार्यक्रमका प्रमुख अतिथि पुर्व राष्ट्रिय सभा सदस्य तथा नेकपा एमालेका पोलिट व्युरो सदस्य भैरव सुन्दर श्रेष्ठले हिन्दु धर्मको ग्रन्थ मुनी स्मृतिको वर्णव्यवस्थामा ब्राह्मण, क्षेत्री, वैश्य र शुद्र भनेर उल्लेख गरेपछि मानवले मानवलाइ भेदभाव गर्न सुरुवात भएको बताए । सबै भन्दा चेतनशिल प्राणी मानव भएको बताउदै श्रेष्ठले वर्ग विहिन, सत्ता विलोपिकरण सत्ता प्राप्ती पछि मात्र सबै भेदभावको अन्त्य हुने भनाइ राखेका थिए । सत्ता र वर्ग विलोपिकरण भएपछि मात्र मानव चेतना लगाएतका डिप्रेशनका समस्या समाधान हुने श्रेष्ठले ठोकुवा गरेका थिए ।
आध्यात्मिक प्रवचन कार्यक्रममा ब्रहमा कुमारी इश्वरिय विश्व विद्यालयकी ब्रहमा कुमारी विष्णुले संस्थाको परिचयका विषयमा प्रवचन दिएकी थिइन भने, ब्रहमा कुमारी इश्वरिय विश्व विद्यालय छिन्चुकी ब्रहमा कुमारी आरतीले सकारात्मक जीवन शैलीका बिषयमा प्रवचन दिएकी थिइन् ।
कार्यक्रमको संचालन भेरी नगरपालिकाको विपद शाखा प्रमुख यज्ञ गौतमले गरेका थिए भने, कार्यक्रमको सौचित्यता पुष्टी भेरी नगरपालिकाका प्रमुख प्रशासकीय अधिकृत दल बहादुर घर्तीले गरेका थिए ।
