दिप बहादुर घर्ती
जाजरकोट
एक किलो एक सय पचाँस ग्राम अफिम सहित एक जनालाई प्रहरीले पक्राउ गरेको छ ।
कुशे गाउँपालिका ३ घर भई हाल जुनिचाँदे गाउँपालिका वडा नं ७ निपाने बस्दै आएका ३७ बर्षका नीरज कुमार पुनलाई प्रहरीले पक्राउ गरेको हो । १ किलो १ सय ५० ग्राम अफिम सहित इलाका प्रहरी कार्यालय पंचाला दहबाट खटिएको प्रहरी टोलीले प्लास्टिकको झोला भित्र तेलको पोका सहित छुट्टाछुट्टै पाँच वटा पोका भित्र लुकाइ राखेको १ केजी १ सय ५० ग्राम अफिम सहित पुनलाई पक्राउ गरिएको जिल्ला प्रहरी कार्यालय जाजरकोटका डिएसपी वसन्त कुमार शर्माले जानकारी दिए ।
उनलाई जिल्ला अदालत जाजरकोटबाट ७ दिनको म्याद थप गरी अनुसन्धान भइरहेको प्रहरीले बताएको छ ।
