बारेकोटको लैखमको सागुतरामा आईतबार जीप दुघर्टना हुदा एक महिलाको मृत्यु भएको छ । चार जना घाइते भएका छन् ।
बारेकोट गाउँपालिका–८ लैखमकी ५६ बर्षिय लक्ष्मी सिंहको मृत्यु भएको छ भने, बारेकोट–८ लैखमकी २४ बर्षिय समीक्षा सिंह, २२ बर्षिय दिपक खत्री, ३१ बर्षिय बलबहादुर खत्री र नलगाड नगरपालिका– ५ सिर्केका १७ बर्षिय मिलन शाही घाईते भएका छन् । सामान्य घाइते समिक्षा सिंह र मिलन शाहीको उपचार प्राथमिक स्वास्थ्य केन्द्र दल्लीमा भई रहेको छ भने, गम्भीर घाइते दिपबहादुर खत्री र बलबहादुर खत्रीलाई थप उपचारका लागि जिल्ला अस्पताल जाजरकोटमा रिफर गर्ने तयारी भैरहेको छ ।
बारेकोटको सेपुखोलाबाट नलगाडको खारा तर्फ आइरहेको ग १ ज ४९५५ नम्बरको जीप लैखमको सागुतरामा दुघर्टनामा परेको जिल्ला प्रहरी कार्यालय, जाजरकोटले जनाएको छ । जीप दुघर्टना हुनुको कारण अहिलेसम्म खुल्न नसकेको प्रहरीले बताएको छ । जीप सडकबाट करीब सय मिटर तल नलगाड खोलामा खसेको थियो ।
