नेपाल सरकारको कानुनले प्रतिबन्ध लगाएको एक किलो चरेश सहित नेपाल प्रहरीले जिल्ला सदरमुकाम खलंगामा दुई जना पक्राउ गरेको छ । गोप्य सुचनाको आधारमा एक किलो चरेश सहित दुई जनालाई पक्राउ गरिएको नेपाल प्रहरीले जनाएको छ ।
लागु औषध चरेशलाई नेपालको कानुनले प्रतिबन्धित गरेको छ । प्रतिबन्धित एक किलो चरेश सहित जाजरकोटका खलंगादेखि नेपालगन्ज तर्फ जादै गरेका दुई जनालाई भे. १ ज १०७ नम्बरको भाडावाला बोलेरो जीपबाट आईतबार दिउसो साढी २ बजे पक्राउ गरिएको जिल्ला प्रहरी कार्यालय, जाजरकोटले जनाएको छ । जिल्ला प्रहरी कार्यालयले दिएको जानकारी अनुसार पक्राउ पर्नेमा एक जना ३१ बर्षिय भारतिय नागरिक रहेका छन् । मुस्ताविक अहमद नाम रहेका भारतिय नागरिकले बोकेको झोलाबाट एक किलो चरेश सहित ४५ हजार ५०० भारतिय रुपैया, एक स्क्रीन टच मोबाईल र आधार कार्ड प्रहरीले बरामत गरेको छ ।
उनीसंगै पक्राउ परेका अर्का व्यक्ति बाँके जिल्लाको नेपालगञ्ज उप–महानगरपालिका– ११ का २० बर्षिय उबेद खान रहेका छन् । खानको शरिरमा रहेको नेपाली ५ हजार नगद प्रहरीले बरामद गरेको छ । एक किलो चरेश सहित आईतबार पक्राउ परेका दुवै जनालाई नेपाल प्रहरीले सोमबार जिल्ला अदालतमा म्याद थपगरी अनुसन्धान गरिरहेको छ ।
भेरी नगरपालिका–४ शान्ति चौतारा स्थित ट्राफिक प्रहरी पोष्ट नजिकै गाडीहरु चेकजाँच गरिरहेको अबस्थामा भे. १ ज १०७ नम्बरको बोलेरो जीपबाट झरेर पैदल हिडिरहेको अबस्थामा उनीहरुलाई प्रहरीले पक्राउ गरेको जिल्ला प्रहरी कार्यालय, जाजरकोटले जनाएको छ ।
