छेडागाड नगरपालिकाको दशेरामा स्वर्गिय शेर बहादुर अधिकारीको श्रद्धान्जली सभा सम्पन्न भएको छ । जन ज्ञानकुन्ज क्याम्पस र जनप्रिय माध्यामिक विद्यालयको आयोजनामा दशेरामा शुक्रबार श्रद्धान्जली सभा सम्पन्न भएको हो ।
नेपाल शिक्षक महासंघका उप–महासचिव अधिकारीको स्मृतिमा श्रद्धाञ्जली सभाको आयोजना गरिएको थियो । सभामा जनज्ञानकुन्ज क्याम्पसले स्वर्गिय शेर बहादुर अधिकारी स्मृती अक्षकोष स्थापना गर्ने घोषणा गरेको छ । सम्पन्न शोकसभामा क्याम्पस प्रमुख धन बहादुर थापाले जनज्ञानकुञ्ज क्याम्पसका संस्थागत प्रमुख स्वर्गीय अधिकारीको स्मृतिमा क्याम्पसले अक्षकोष स्थापना गर्ने घोषणा गरेका थिए ।
सभामा परिवारको तर्फबाट छोरा अर्जुन अधिकारी, महेश अधिकारी, विद्यालय ब्यबस्थापन समितिका अध्यक्ष चन्द्र थापा (अपिल), जनप्रिय माध्यमिक बिद्यालयका प्रधानाध्यापक टेक बहादुर थापा, भुपु विद्यलाय व्यवस्थापन समितिका अध्यक्ष कृति बहादुर थापा, कर्ण थापा, मान बहादुर थापा लगायतको उपस्तिथि रहेको थियो । स्वर्गीय अधिकारीले जनप्रिय माध्यामिक विद्यालयले पनि शेर बहादुर अधिकारी स्मृती अक्षकोष स्थापना गर्ने प्रधानाध्यापक टेक बहादुर थापाले बताएका थिए ।
