नलगाड नगरपालिका–५ गाँजिमेलामा ट्याक्टर दुर्घटना हुँदा तीन जनाको मृत्यु भएको छ भने, एक जना गम्भीर घाईते भएका छन् । कालिमाटीबाट बारेकोट जाँदै गरेको ट्याक्टर नलगाड नगरपालिका–५ गाँजिमेलामा दुर्घटना भएको हो ।
दुर्घटनामा परेको ट्याक्टरको नम्बर अहिलेसम्म नखुलेको प्रहरीले जनाएको छ । राती ११ः४० बजेतिर दुर्घटना भएको ट्याक्टर भीरबाट खसेर सडकबाट झण्डै ७ देखि ८ सय मिटर तल खसेको प्रहरीले जनाएको छ ।
दुर्घटनामा परेर मृत्यु हुनेमा नलगाड नगरपालिका–५ का ३५ वर्षीय चंकलाल विक, २५ वर्षीय सुरेश खत्री र ६२ वर्षीय दल बहादुर खत्री रहेको प्रहरीले जनाएको छ । त्यस्तै, नलगाड नगरपालिका–७ का १७ वर्षीय विनोद परियार गम्भीर घाइते भएका छन् । उनी सहचालक रहेको प्रहरीले जनाएको छ ।
घाईते परियारलाई भित्री चोट लाग्नुको साथै बाँया खुट्टाको पैतला र अण्डाकोष सुन्निएको प्रहरीले जनाएको छ । गम्भीर घाईते परियारको प्राथमिक स्वास्थ्य केन्द्र दल्लीमा उपचार भई रहेको जिल्ला प्रहरी कार्यालय, जाजरकोटले जनाएको छ ।
