कुशे गाउँपालिका–९ पैंकमा प्रहरीले मृत अवस्थामा रेडपाण्डा फेला पारेको छ । स्थानीय नागरिकहरुले गरेको खबरका आधारमा प्रहरीले मृत रेडपाण्डा फेला पारेको हो ।
९ नम्बर वडा कार्यालय नजिकै रेडपाण्डा फेला परेको भनी प्रहरी चौकी पैंकलाई स्थानीयले जानकारी गराएका थिए । प्रहरी चौकी बाट खटिएको प्रहरी टोलीले मृत अवस्थामा रेडपाण्डा फेला पारेको जिल्ला प्रहरी कार्यालय जाजरकोटले जनाएको छ । पैंकको प्रहरीले सरोकारवाला व्यक्तिहरुको उपस्थितिमा सब–डिभिजिन वन कार्यालय कुशेलाई उक्त मृत रेडपाण्डा जिम्मा लगाईएको प्रहरीले बताएको छ ।
विश्व दुर्लभ वन्यजन्तु रेडपाण्डा जाजरकोट जिल्लाको बारेकोट, कुशे, नलगाड र जुनीचाँदेका जंगलहरु बास स्थान रहेको छ । विश्व सम्पदा सुचीमा सुचीकृत रेडपाण्डा संरक्षणमा नेपाल सरकार र विभिन्न दातृ निकायले जोड दिदै आएको भएतापनि जाजरकोट जिल्लामा रेडपाण्डाको चोरी सिकारी तथा चोरी निकासी हुदै आएको छ ।
