गैरीखालीबाट हराएको प्लेन जस्तापाता प्रहरीले फेला पारेर सम्बन्धित व्यक्तिलाई बुझाएको छ । लुकाएर राखेको जस्तापातालाई प्रहरीले फेला पारेर सम्बन्धित व्यक्तिलाई बुझाएको हो ।
भेरी नगरपालिका–४ का ४८ बर्षिय प्रदिप जंग शाहको १०० मिटर प्लेन जस्तापाता आईतबार गैरीखालीबाटै हराएको थियो । ७४ किलो तौल रहेको जस्तापाताको मुल्य ४० हजार परेको प्रदिप जंग शाहले जानकारी दिएका छन् । गैरीखालीबाट आईतबार हराएको जस्ता पाता खोजी गरीपाउ भनि शाहले जिल्ला प्रहरी कार्यालयमा निवेदन दिएका थिए ।
शाहले दिएको निवेदनका आधारमा खोजतलास गर्दा उक्त जस्तापाता गैरीखालीमै लुकाएर राखेको अबस्थामा प्रहरीले फेला पारेको जिल्ला प्रहरी प्रमुख मधुकुमार थापाले जानकारी दिएका छन् । फेला परेको उक्त जस्ता पाता जिल्ला प्रहरी कार्यालयमा ल्याएर शाहलाई बुझाएको डिएसपी थापाले जानकारी दिएका छन् । उक्त घटनाको प्रहरीले थप अनुसन्धान गरीरहेको जिल्ला प्रहरी कार्यालय, जाजरकोटले जनाएको छ ।
