नेपालगञ्ज देखि जाजरकोट आउदै गरेको फोर्स गाडी सुर्खेतको सिम्तामा दुर्घटनामा परेको छ । बुधबार दिउँसो ४ बजेतिर सुर्खेतको सिम्ता गाउँपालिका–४ कालिखोलामा दुर्घटना भएको फोर्स गाडीका ६ जना सवार घाईते भएका छन् ।
भे १ ज १०४२ नम्बरको फोर्स गाडीको पछाडीको देर्बे चक्का निक्लेर सडक देखि ६० मिटर तल खसेको थियो । सवार ६ जना मध्ये ३ को अवस्था गम्भीर रहेको ईलाका प्रहरी कार्यालय बादापिपल राकमका इन्चार्ज तथा प्रहरी निरिक्षक नन्दराम जोशीले बताए । घाइते हुनेमा रुकुमपश्चिम चौहरजारी नगरपालिका–७ का वर्ष १७ का आशिष शर्मा, अबिनाश राना, जाजरकोट भेरी नगरपालिका–२ का सम्झना शाह, दिनेश केसी, भेरी–१२ का डिल बहादुर गन्धर्भ, छेडागाड नगरपालिकाका गोरख बुढा रहेका छन् । चालक सुजन परियारको अवस्था भने, सामान्य रहेको प्रहरीले जनाएको छ ।
६ जना घाइतेहरुलाई सल्लीबजारको जनबन्धु पोलि क्लिनिकमा सामान्य उपचार गरेर थप उपचारका लागि नेपालगञ्ज पठाएको छ । आशिष शर्मा, गोरख बुढा र सम्झना शाहको अवस्था भने गम्भीर रहेको प्रहरीले जनाएको छ । पुर्व–पश्चिम समिति नेपालगञ्ज यातायातको फोर्स गाडीमा १ चालक सहित ७ जना यात्रु रहेको प्रहरीले जनाएको छ ।
