जाजरकोट
नलगाड नगरपालिकामा आयोजित मावि स्तरीय हाजिरी जवाफ प्रतियोगिताको प्रथम उपाधी बिरेन्द्र हिमालय मावि तल्लुले हासिल गरेको छ । अनेरास्ववियु (क्रान्तिकारी) ले नलगाड नगरपालिकामा सोमबार आयोजना गरेको मावि स्तरीय हाजिरी जवाफ प्रतियोगिताको प्रथम उपाधी बिरेन्द्र हिमालय मावि तल्लुले हासिल गरेको हो ।
बिरेन्द्र हिमालय मावि तल्लुबाट उक्त हाजिरी जवाफ प्रतियोगितामा अजय विष्ठ, आकाश मल्ल र मेलिना डाँगीको समुहले प्रथम स्थान हासिल गरेको थियो । प्रथम स्थान हासिल गरेको उक्त समुहलाइ १० हजार नगद पुरस्कार सहित प्रमाण पत्र प्रदान गरिएको अनेरास्ववियु –क्रान्तिकारी) नलगाड इन्चार्ज रविन्द्र खड्काले जानकारी दिए ।
इन्चार्ज खड्काले दिएको जाननकारी अनुसार प्रतियोगितामा द्धितीय स्थान सुर्यदय मावि कैनाले हासिल गरेको छ । कैना माविमा अध्ययनरत मनिसा रावल, विपिन शाही र कपिल विकको समुहले द्धितीय स्थान हासिल गरेको थियो । उक्त समुहलाइ आयोजकले ७ हजार नगद पुरस्कार सहित प्रमाण पत्र प्रदान गरेका थिए । त्यसैगरी त्रिभुवन मावि दल्लीले तृतीय स्थान हासिल गरेको थियो । दल्लीमा अध्ययनरत शान्ता गौतम, विपन सम्शेर रावल र सञ्जिव केसीको समुहले तृतीय स्थान हासिल गरेको थियो । तृतीय स्थान हासिल गरेको उक्त समुहलाइ आयोजकले ५ हजार नगद पुरस्कार सहित प्रमाण पत्र प्रदान गरेका थिए । आयोजकले तपोभुमी मावि ध्यारगाउँलाइ स्वान्तोना पुरस्कार स्वरुप ३ हजार नगद पुरस्कार सहित प्रमाण पत्र प्रदान गरेका थिए । तपोभुमी मावि ध्यारगाउँबाट प्रिङका रावत, पुर्णिमा ध्यार र भगवति ध्यारले प्रतियोगितामा भाग लिएका थिए ।
