जाजरकोट
लागुऔषध दुव्र्यसन नियन्त्रण तथा रोकथामका लागि खेलकुद कार्यक्रम अन्तरगत जाजरकोट जिल्लामा सुरु भएको सहिद विदुर स्मृति यू–१९ भलिबल कप सम्पन्न भएको छ । यही चैत्र २४ गते देखि जिल्लाको त्रिभुवन माध्यामिक विद्यालयको प्राङ्गण थाप्लेमा सुरु भएको भलिबल खेल चार दिन सञ्चालन भएको थियो ।
जनयुद्धका सहिद कर्ण बहादुर विक (विदुर) को स्मृतिमा सञ्चालन हुने यस प्रतियोगिता यस वर्ष पनि सञ्चालन गरिएको हो । खेलमा १९ वर्ष मुनिका खेलाडीहरुले मात्र सहभागिता हुन पाउने व्यवस्था गरिएको थियो । उक्त प्रतियोगिताको आयोजना सहिद स्मृति युवा क्लवले गरेको थियो भने, भेरी नगरपालिका प्रतियोगिताको मुख्य प्रायोजक थियो । ज्योति विकास बैंकको सह प्रायोजन र अन्य विभिन्न निकाय र व्यक्तिहरुको सहयोगमा प्रतियोगिता सञ्चालन भएको थियो ।
भेरी नगरपालिकाको मुख्य प्रायोजनमा सञ्चालन भएको कार्यक्रमले खेलाडी उत्पादन गर्नुका साथै लागुऔषध दुव्र्यसन रोकथाम तथा नियन्त्रणको मुद्धा अगाडी सारेको थियो । लागुऔषध दुव्र्यसनीको कुलतमा जानी नजानी फसेको युवा पुस्तामा सचेतना पैदा गर्न उक्त प्रतियोगिताको आयोजना गरिएको थियो । चेतनाको कमि, शिक्षाको अभाव, बेरोजगारको चपेटाका कारण कुलतमा फसेका युवाहरु प्रतियोगिता मार्फत सचेत गराउने प्रयास गरिएको थियो । खेलकुदको माध्यमबाट चेतना फैलाउन उक्त प्रतियोगिता हरेक बर्ष आयोजना गरिएको क्लबका अध्यक्ष प्रेम बहादुर विकले बताए । अध्यक्ष विकका अनुसार क्लबले चालेको यो अभियान केही हदसम्म सफल भएको छ । जिल्लामा खेलाडी उत्पादन गर्न यो प्रतियोगिताले महत्वपूर्ण भुमिका निर्वाह गरेको अध्यक्ष विकले बताए ।
प्रतियोगितामा भेरी नगरपालिकाबाट ७, नलगाडबाट ३ र छेडागाडबाट १ गरी ११ टिम सहभागिता भएका थिए । उक्त टीम मध्ये प्रथम स्थान भेरी नगरपालिका वडा नं १ को टिम वाइएपिले हासिल गरेको थियो । त्यस्तै दृतिय र तृतिय स्थान क्रमश नलगाड ७ को बगरभिल्ला होटेलको टिम र भेरी नगरपालिका वडा नं २ को टिमले हासिल गरेको थियो । साथै प्रथम, दृतिय र तृतिय स्थान हासिल गर्ने क्रमश ५० हजार, ३५ हजार र २५ हजार नगद पुरस्कार प्रदान गरिएको थियो ।
त्यस्तै प्रतियोगितामा भेरी नगरपालिका वडा नं २ का हरिस शाही उत्कृष्ट खेलाडी छनौट भएका थिए । उत्कृष्ट डिफेन्डरमा भेरी १ का सन्दिप विक छनौट भएका थिए । उत्कृष्ट कोचमा वाइएपिका अशोक सिंह, उत्कृष्ट ब्लकर बगर भिल्लाका कमल परियार, उत्कृष्ट सेटर बगर भिल्लाकै दिपक शाही र उत्कृष्ट स्पाइकरमा वाइएपिका बिमल विक छनौट भएका थिए । साथै उदयमान खेलाडीको रुपमा वाइएपिकै खडक राना भएको रेफ्री संयोजक बिवश बिक्रम शाहले बताए । शाहका अनुसार कपको दोस्रो संकरण पनि सफलता पुर्वक सम्पन्न भएको बताए ।
प्रतियोगिता सफल बनाउन रेफ्री संयोजक बिवश बिक्रम शाह, मनोज शाह, निरज राना, भक्त शाह र प्रनिल चन्दको महत्वपूर्ण भुमिका रहेको बताउदै क्लबका अध्यक्ष विकले रेफ्री टीमलाई धन्यवाद व्यक्त गरेका थिए ।
सहिद विदुर स्मृति पुरस्कारबाट सम्मानित
जाजरकोटमा लामो समयदेखि व्यवसाय गरेका, राजनितिक क्षेत्रमा प्रभाव जमाएका, शिक्षा, स्वास्थ्य, खेलकुद लगायत अन्य क्षेत्रमा योगदान पु¥याएका ४० वर्ष मुनिका पत्रकार, कुषक, व्यवसायी र समाजसेवी लगायतका प्रभावशाली व्यक्तिहरुलाई विदुर पुरस्कार प्रदान गरेर सम्मान गरिएको थियो । युवाहरुलाई प्रोत्सहान गर्न र अन्य युवाहरुलाई प्रेरणा प्रदान गर्ने उदेश्य राखेर उक्त पुरस्कार प्रदान गर्न सुरु गरिएको सहिद स्मृति युवा क्लवका अध्यक्ष विकले बताए ।
यस वर्ष उक्त पुरस्कारबाट ५ जनालाई सम्मान गरिएको छ । जसमा जनप्रतिनिधिको क्षेत्रबाट भेरी नगरपालिकाकी उप–प्रमुख सिता जैसी, पत्रकार जुनिचादे–४ का रेशम खड्का, युवा व्यवसायी भेरी नगरपालिका–४ का भिम बहादुर कार्की, युवा व्यवसायी कुशे गाउपालिका–४ का खिम बहादुर सिंह र कृषक नलगाड नगरपालिका–१० का मोतिराम रावतलाई सम्मान गरिएको थियो ।
आफ्नो पेशामा उनीहरुले गरेको योगदानको कदर गर्दै विदुर स्मृति पुरस्कारबाट सम्मान गरिएको अध्यक्ष विकले बताए । समापन कार्यक्रममा जिल्ला समन्वय समिति जाजरकोटका उप–प्रमुख दल बहादुर सिंह लगायत अन्य सरोकारवाला व्यक्तिहरुको उपस्थिति रहेको थियो ।
