नेत्र विक्रम चन्द ‘विप्लव’ नेतृत्वको नेपाल कम्युनिष्ट पार्टी (नेकपा) निकट विद्यार्थी संगठन अखिल (क्रान्तिकारी), जाजरकोटको आयोजनामा अन्तरक्रिया कार्यक्रम सम्पन्न भएको छ । ‘नेपालको बर्तमान शैक्षिक अबस्था र यसको बिकल्प’ बिषयक अन्तरक्रिया कार्यक्रम जिल्ला सदरमुकाम खलंगामा सुक्रबार सम्पन्न भएको हो ।
कृषि विकास कार्यालयको सभाहलमा आयोजित अन्तरक्रिया कार्यक्रम ५२ जना विद्यार्थीहरुको सहभागिता रहेको थियो । कार्यक्रममा सहभागी विद्यार्थीहरुले नेपालको बर्तमान शिक्षा प्रणालीले गरीब निमुखा जनताका छोरा–छोरीहरुको हित अनुकुल नभएको भनाई राखेका थिए । बर्तमान शिक्षा प्रणालीको विकल्पमा जनमुखी शिक्षा प्रणालीको आबश्यकता भएको अन्तरक्रिया कार्यक्रममा भाग लिएका विद्यार्थीहरुले भनाई राखेका थिए । जनमुखी शिक्षा प्रणालीले मात्र विपन्न नागरिकहरुको हितमा काम गर्न सक्ने विश्वास व्यक्त गर्दै विद्यार्थीहरुले व्यवहारिक, जीवन उपयोगी शिक्षा नीतिलाई लागु गर्नु पर्ने भनाई राखेका थिए ।
विद्यार्थीहरुले राखेको जिज्ञासालाई मेटाउदै अन्तरक्रिया कार्यक्रमका प्रमुख अतिथि तथा नेकपा, जाजरकोटका सेक्रेटरी अनन्तले बर्तमान शिक्षा प्रणालीको बिकल्पमा बैज्ञानिक शिक्षा प्रणाली लागु गर्नुपर्ने भनाई राखेका थिए । बैज्ञानिक तथा ब्यबहारीक शिक्षा प्रणाली एकीकृत जनक्रान्तिको कार्यदिशा मार्फत प्राप्त हुने बैज्ञानिक समाजवादी ब्यबस्थाले मात्र लागु गर्ने बताएका थिए ।
नेपालको बर्तमान शिक्षा प्रणालीबाट नयाँ पुस्ताले नत देश विकासको ज्ञान हासिल गर्न सक्ने, नत जनताको सेवा गर्न सक्ने बिबेक प्राप्त गर्ने अखिल (क्रान्तिकारी), जाजरकोटका अध्यक्ष विराजन शाहीले भनाई राखेका थिए । बर्तमान शिक्षा प्रणाली जनबिरोधी र आवश्यकता बिरोधी भएको बताउदै अध्यक्ष शाहीले देशको शिक्षा प्रणालीले आम जनता र सर्बहारा वर्गको रक्षा गर्न सक्नु पर्ने र ज्ञान दिनुपर्ने भनाई राखेका थिए । बैज्ञानिक समाजवादी शिक्षा प्रणालीले मात्र आम जनता र सर्वहारा वर्गको रक्षा गर्न सक्ने तर्क अध्यक्ष शाहीले गरेका थिए ।
अध्यक्ष शाहीको अध्यक्षतामा सम्पन्न भएको अन्तरक्रिया कार्यक्रमको प्रमुख अथिति नेकपा, जाजरकोटका सेक्रेटरी प्रेम बहादुर चलाउने अनन्त रहेका थिए भने, कार्यक्रमको संचालन विद्यार्थी नेता दिपेन्द्र सिंहले गरेका थिए ।
