भरुवा बन्दुक सहित नलगाड नगरपालिका–१० कोटी सल्लाबाट एक जनालाई प्रहरीले पक्राउ गरेको छ । गोप्य सुचनाको आधारमा इजाजत नभएको अबैध भरुवा बन्दुक सहित एक जनालाई प्रहरीले पक्राउ गरेको हो ।
नलगाड नगरपालिका–१० कोटीसल्लाका ५६ बर्षका मोहन विकलाई एक नाले भरुवा बन्दुक सहित प्रहरीले पक्राउ गरेको हो । बाँदर हेर्न भनि घर नजिकैको कटेरोमा लुकाई छिपाई राखेको एक नाले बन्दुक सहित विकलाई ईलाका प्रहरी कार्यालय रग्दाबाट गएको प्रहरी टोलीले मंगलबार पक्राउ गरेको जिल्ला प्रहरी कार्यालय जाजरकोटले जनाएको छ । विकलाई एक नाले बन्दुक सहित १५ थान फलामका टुक्रा सहित पक्राउ गरिएको जिल्ला प्रहरी कार्यालयले जनाएको छ ।
पक्राउ भएका विकलाई जिल्ला प्रशासन कार्यालय, जाजरकोटबाट म्याद थपगरी अनुसन्धान गरिरहेको जिल्ला प्रहरी कार्यालय, जाजरकोटले जनाएको छ ।
