चार जना बार्षिक उत्कृष्ट कर्मचारी सम्मानित
जाजरकोट
पाँचतारा युवा संरक्षक मञ्च, जाजरकोटको २८ औं बार्षिक साधारण सभा सम्पन्न भएको छ । जिल्ला सदरमुकाम खलंगामा आइतबार २८ औं बार्षिक साधारण सभा सम्पन्न भएको हो ।
रिद्धिसिद्धि होटलको सभा हलमा सम्पन्न बार्षिक साधारण सभाले चार जना बार्षिक उत्कृष्ट कर्मचारीलाइ सम्मान गरेको छ । सम्मानित हुने बार्षिक उत्कृष्ट कर्मचारीमा वीरेन्द्र कुमार थारु, कुँवेर केसी, उर्मिला चौधरी र जीवन खत्री रहेका छन् । सम्मान पत्र प्रदान गरेर बार्षिक उत्कृष्ट कर्मचारीलाइ सम्मान गरिएको थियो ।
पाँचतारा युवा संरक्षक मञ्च, जाजरकोटका अध्यक्ष छवी पन्तको अध्यक्षतामा सम्पन्न भएको बार्षिक साधारण सभाको उद्घाटन सत्रमा सचिव रामचन्द्र ज्योतिले संस्थागत प्रतिवेदन, कोषाध्यक्ष पदमा रोकायले संस्थाको आर्थिक प्रतिवेदन प्रस्तुत गरेकी थिइन् । त्यसैगरी कार्यक्रम निर्देशक टेक बहादुर सुनारले संस्थागत प्रस्तुति प्रस्तुत गरेका थिए ।
उक्त बार्षिक साधारण सभामा निमित्त प्रमुख जिल्ला अधिकारी समिर गौतम, जिल्ला समन्वय समितिका सदस्य खडक बिसी, नेपाल पत्रकार महासंघ जाजरकोट अध्यक्ष सुरेन्द्र बहादुर सिंह, निवर्तमान अध्यक्ष बालकुमार शर्मा, संस्थापक सदस्य राजेन्द्र कार्की, जाजरकोट सम्पदा संरक्षण प्रतिष्ठानका अध्यक्ष जनक केसी, पत्रकार रेशम खड्का, दिप बहादुर घर्तीले साधारण सभा सफलताको शुभकामना मन्तव्य राखेका थिए । कार्यक्रम संयोजक पुष्पराज खतिवडा संचालक रहेको साधारण सभामा गीत, कविता र नृत्यहरु प्रस्तुत गरिएको थियो ।
