जाजरकोट
नलगाड नगरपालिकाको उप–प्रमुख पदमा नेपाल कम्युनिष्ट पार्टी (माओवादी केन्द्र) का उम्मेदवार देवका लामिछाने (सोभा) विजयी भएकी छन् । निकटतम प्रतिद्धन्दी नेपाली काँग्रेसका उम्मेदवारलाइ १ हजार १२५ मतले पछि पार्दै लामिछाने विजयी भएकी हुन् ।
लामिछानेले ४ हजार २ सय ७२ मत प्राप्त गरेर विजयी भएकी छन भने, उनको निकटतम प्रतिद्धन्दी नेपाली काँग्रेसका उम्मेदवार इन्द्रा चन्द सिंहले ३ हजार १४७ मत प्राप्त गरेकी छन् ।
नेकपा एमालेका उम्मेदवार सुनिता बोहराले २ हजार पाँच सय ४२ मत प्राप्त गरेको जिल्ला निर्वाचन कार्यालयका जाजरकोटले जानकारी दिएको छ । राष्ट्रिय स्वतन्त्र पार्टीका उम्मेदवार पार्बती पुनले १७९ मत, राष्ट्रिय प्रजातन्त्र पार्टी नेपालका उम्मेदवार सुनिता पुन रावलले ५८ मत र नेपाल समाजवादी पार्टीका पबित्रा जैसीले १७ मत प्राप्त गरेकी छन् ।
१६ हजार ६२ मतदाता रहेको नलगाड नगरपालिकामा १० हजार ५४२ जनाले मतदान गरेका थिए । २०७९ बैसाख ३० गते सम्पन्न भएको स्थानीय तहको निर्वाचनबाट निर्वाचित नलगाड नगरपालिकाको उप–प्रमुख सरिता सिंहको २०८० कातिक १७ गतेको जाजरकोट भुकम्पमा निधन भएको थियो । सिंह काँग्रेस माओवादी गठबन्धनबाट विजयी भएकी थिइन् । यसपटक दलहरु एक्ला एक्लै चुनाव लडेका थिए ।
