जिल्ला प्रहरी कार्यालय, जाजरकोट परिसरमा बृक्षारोपण गरिएको छ । जिल्ला प्रहरी कार्यालयमा कार्यरत प्रहरी टोलीले शुक्रबार कार्यालय परिसर भित्र बृक्षारोपण गरेको हो ।
जिल्ला प्रहरी कार्यालय प्रमुख तथा प्रहरी नायव उपरिक्षक मधु कुमार थापाको नेतृत्वमा सिनियर तथा जुनियर प्रहरी अधिकृत, प्रहरी हवलदार र प्रहरी जवानहरुको सहभागीतामा कार्यलय परिसरभित्र बृक्षारोपण गरिएको जिल्ला प्रहरी कार्यालय, जाजरकोटले जनाएको छ ।
कार्यालय परिसरभित्र ३० वटा कागति, ३० वटा अमला, ५० वटा लिपिष्टिक र ५० वटा ईपिलिपिल गरी जम्मा १६० वटा विरुवा रोपण गरिएको जिल्ला प्रहरी कार्यालय, जाजरकोटले जनाएको छ । राष्ट्रसेवक कर्मचारी वृक्षारोपण अभियान अन्तरगत जिल्ला प्रहरी कार्यालय परिसर भित्र बृक्षारोपन गरिएको प्रहरीले जनाएको छ ।
