भन्सार छली (चोरी) का तीन वटा मोटरसाईकल जाजरकोटको प्रहरीले नियन्त्रणमा लिएको छ । आबश्यक कारबाही गर्न नियन्त्रणमा लिएका भन्सार छली (चोरी) का उक्त मोटरसाईकल प्रहरीले राजश्व अनुसन्धान कार्यालयमा पठाएको छ ।
विभिन्न मिति र स्थानमा भन्सार छली (चोरी) का ३ वटा मोटरसाईकल नियन्त्रणमा लिएको जिल्ला प्रहरी कार्यालय, जाजरकोटले जानकारी दिएको छ । नियन्त्रणमा लिएका ३ वटा मोटरसाईकलमा भे २ प ३०९७ नम्बर उल्लेख गरिएको १५० सिसीको रातो–कालो रंगको पल्सर, भे ६ प २५१५ नम्बर उल्लेख गरिएको १६० सिसीको सेतो रंगको आरटीआर र भे ४ प ७८५३ नम्बर उल्लेख गरिएको १५० सिसीको रातो–कालो रंगको पल्सर रहेको जिल्ला प्रहरी कार्यालयले जनाएको छ । आबश्यक कारबाही गर्न उक्त तीन वटै मोटरसाईकल बुधबार राजश्व अनुसन्धान कार्यालयमा पठाएको जिल्ला प्रहरी कार्यालयले बताएको छ । भन्सार छली चोरीका मोटरसाईकल जिल्लामा कसरी भित्रियाईएका हुन भन्ने सम्बन्धमा प्रहरीले थप अनुसन्धान गरिरहेको जिल्ला प्रहरी कार्यालय, जाजरकोटले जानकारी दिएको छ ।
