राष्ट्रपति रनिङ्ग शिल्ड तथा मेयर कप–२०७८ को प्रथम उपाधी भेरी त्रिवेणी माध्यामिक विद्यालय रिम्नाले उचालेको छ । भेरी नगरपालिकाको खेलकुद तथा शिक्षा शाखाद्धारा संचालन गरिएको राष्ट्रपति रनिङ्ग शिल्ड तथा मेयर कप–२०७८ को प्रथम उपाधी भेरी त्रिवेणी मावि रिम्नाले उचालेको हो ।
त्रिमावि रिम्नाले १० स्वर्ण, ४ वटा रजत र ४ वटा कास्य पदक गरी जम्मा १९ पदक हात पारी शिल्ड जित्न सफल भएको छ । शिव शंकर माध्यामिक विद्यालय जगतिपुरले ८ स्वर्ण, ४ रजत र ७ कास्यगरी जम्मा १९ पदक हात पार्दै दोस्रो उपाधी हात पारेको छ । ७ स्वर्ण, ७ रजत र १ वटा कास्यगरी जम्मा १५ पदक हात पारेर भगवती मावि कुदले तृतिय स्थान हासिल गरेको छ । ३ स्वर्ण, २ कास्यगरी ५ पदक हासिल गरेर सान्त्वना स्थान त्रिभुवन मावि खलंगाले हात पारेको छ । तीन दिनसम्म चलेको रनिङ्ग शिल्ड तथा मेयर कपमा नगरपालिका भित्रका ९ वटा विद्यालयको भाग लिएका थिए । राष्ट्रपति रनिङ्ग शिल्ड तथा मेयर कप–२०७८ मा भाग लिने विद्यालयहरुमा त्रिवेणी मावि रिम्ना, शिवसंकर मावि जगतिपुर, भगवति मावि कुदु, त्रिभुवन मावि खलंगा, शिव मावि कालेगाउँ, विजय मावि काफलचौर, लक्ष्मी मावि भेरे, सरस्वती मावि पुन्म र विरेन्द्र मावि कालाभुर रहेका थिए । त्रिवेणी मावि रिम्नाले पहिलो पटक शिल्ड जितेको शिक्षक रुद्र बहादुर वलीले जानकारी दिएका छन् ।
