नेत्रविक्रम चन्द (विप्लव) नेतृत्वको नेकपा, जाजरकोटले विभिन्न खेलकुद प्रतियोगिताको आयोजना गरेर नौ औं पार्टी पुनर्गठन तथा जनमुक्ति सेना नेपाल स्थापना दिवस मनाएको छ । जिल्ला स्तरीय खेलकुद प्रतियोगिताको आयोजना गरेर नेकपा, जाजरकोटले नौ औं औं पार्टी पुनर्गठन तथा जनमुक्ति सेना नेपाल स्थापना दिवस मनाएको हो ।
जिल्लाको बीच सेन्टरमा रहेको कुशे गाउँपालिका–५ मालुमेलामा भलिवल र फुटवल प्रतियोगिताको आयोजना गरेर पार्टीको नौ औं पुनर्गठन तथा जनमुक्ति सेना नेपाल स्थापना दिवस मनाईएको नेकपाका केन्द्रिय सदस्य पौरख मल्लले जानकारी दिएका छन् । पार्टी पुनर्गठन तथा जनमुक्ति सेना नेपाल स्थापना दिवस मंसिर ८ गतेका दिनदेखि सुरुवात गरिएको भलिवल तथा फुटवल प्रतियोगिता सोमबार समापन गरिएको छ ।
पार्टी पुनर्गठन तथा जनमुक्ति सेना नेपाल स्थापना दिवसको अबसरमा आयोजित खेलकुद प्रतियोगितामा जिल्लाका सात वटै स्थानीय तहका खेलाडीहरुले प्रतियोगितामा भाग लिएको केन्द्रिय सदस्य मल्लले जानकारी दिएका छन् ।
आयोजित उक्त प्रतियोगितामा भलिवल तर्फ शिवालय गाउँपालिकाको टीम प्रथम भएको थियो भने, भेरी नगरपालिकाको टीम द्धितिय भएको थियो । छेडागाड नगरपालिकाको टीमले सानोतोना पुरस्कार जित्न सफल भएको थियो । त्यसैगरी फुटवल प्रतियोगितामा भेरी नगरपालिकाको टीम प्रथम भएको थियो भने, कुशे गाउँपालिकाको कर्मचारी टीम द्धितिय भएको थियो ।
विजता, उपविजेता र सान्तोना पुरस्कार लिन सफल खेलाडीहरुलाई केन्द्रिय सदस्य मल्लले प्रमाण–पत्र, मेडल सहित नगद पुरस्कार हस्तान्तरण गरेका थिए । प्रगियोगितामा विजेता, उपविजेता र सानोतोना पुरस्कार पाउने खेलाडीहरुलाई केन्द्रिय सदस्यले हार्दिक बधाईसंगै धन्यवाद दिएका थिए । खेलकुदले स्वास्थ्यलाई मजवुत बनाउनु साथै भुगोल तथा स्थानको पहिचान गराउने केन्द्रिय सदस्य मल्लले भनाई राखेका थिए । उक्त खेदकद प्रतियोगितामा भाग लिने सबै खेलाडीहरुलाई केन्द्रिय सदस्य मल्लले धन्यवाद दिएका थिए ।
खेलकुद प्रतियोगिताको आयोजक तथा नेकपा, जाजरकोटले भलिवल प्रतियोगिताका विजेता टीमलाई ६० हजार, उपविजेता टीमलाई ३५ हजार, सानोतोना टीमलाई १० हजार नगद पुरस्कार, प्रमाण–पत्र र मेडलको व्यवस्था गरेको थियो भने, फुटवल प्रतियोगिताका विजेता टीमलाई ६० हजार, उपविजेता टीमलाई ३५ हजार नगद पुरस्कार, प्रमाण–पत्र र मेडलको व्यवस्था गरेको थियो । ६ दिनसम्म संचालन गरिएको प्रतियोगितामा भलिवलतर्फ ११ वटा टीमले भाग लिएको थियो भने, फुटवल तर्फ ७ वटा टीमले भाग लिएको थियो ।
