हत्याको आरोपमा एक जनालाई प्रहरीले पक्राउ गरेको छ । पक्राउ पर्नेमा कुशे गाउँपालिका–९ चौराटाका राजेन्द्र सुनार रहेको प्रहरीले जानकारी दिएको छ ।
राजेन्द्रको कुटाईले घाइते भएका बारेकोट गाउँपालिका–४ जिरीका २५ बर्षका टकेन्द्र सार्कीलाई नेपालगञ्ज लिने क्रममा आइतवार बाटोमै मृत्यु भएको प्रहरीले जनाएको छ । घटनामा कुशे ९ चौराठाकै जल्लप सार्की समेत घाइते भएका थिए । उनको अवस्था सामान्य छ । घटनापछि फरार रहेका सुनारलाई सोमवार प्रहरीले पक्राउ गरेको जिल्ला प्रहरी प्रमुख मधुकुमार थापाले बताए । उनले घटनाबारे थप अनुसन्धान भैरहेको बताएका छन् ।
