नेपाल प्रेस युनियन, जाजरकोटको छैटौं जिल्ला अबिधेशन तथा ११ औं साधारण सभा सम्पन्न भएको छ । बुधबारदेखि सुरु भएको प्रेस युनियन, जाजरकोटको छैटौं जिल्ला अबिधेशन बिहिबार सम्पन्न भएको हो । सम्पन्न छैटौं जिल्ला अबिधेशनले नेपाल प्रेस युनियन, जाजरकोटको अध्यक्षमा बासुदेव शर्मालाई निर्विरोध निर्वाचित गरेको छ ।
निर्विरोध निर्वाचित अध्यक्ष शर्माले दिएको जानकारी अनुसार सम्पन्न छैटौं जिल्ला अधिवेशनले उपाध्यक्षमा सुशिल सिंह र टुकमाया घर्ती पन्तलाई निर्विरोध निर्वाचित गरेको छ । सचिवमा डिल बहादुर खत्री, सहसचिवमा रोशना कुमारी सिंहलाई अधिवेशनले निर्विरोध निर्वाचित गरेको छ । सदस्यहरुमा हेमन्त खत्री, प्रकाश रोकाय, प्रेम बिसी, करिजा खड्का र भीम बहादुर खड्कालाई निर्विरोध निर्वाचित गरेको छ । नेपाल प्रेस युनियनको विधानले गरेको व्यवस्था अनुसार नवनिर्वाचित जिल्ला कार्यसमितिको बैठकबाट दुई जना सदस्यलाई मनोनित गर्ने व्यवस्था भएको अध्यक्ष शर्माले जानकारी दिएका छन् । अधिवेशन जिल्ला सदरमुकाम खलंगा स्थित आर आर होटलको सभाहलमा सम्पन्न भएको थियो ।
