जबरजस्तीकरणीको आरोपमा नेपाल प्रहरीले एक जीप चालकलाई पक्राउ गरेको छ । बिशेष सुचनाका आधारमा जबरजस्तीकरणी गरेका जीप चालकलाई नेपाल प्रहरीले पक्राउ गरेको हो ।
जबजस्तीकरणीको आरोपमा नेपाल प्रहरीले जीप चालक भरतबहादुर शाहीलाई पक्राउ गरेको हो । २१ बर्षिय चालक शाही दैलेख जिल्लाको दुल्लु नगरपालिका–१३ खातीगौडाका हुन् । उनी विगत केही समय पहिला देखि जाजरकोटमा जीप चलाउदै आएका सवारी चालक हुन् ।
चालक शाहीको जबरजस्तीकरणीमा परेकी युवतीको नाम, थर र वतनलाई प्रहरीले गोप्यमै राखेको छ । करणीमा परेकी १७ बर्षिय युवतीको साँकेतिक नाम, थर र वतनलाई प्रहरीले ६३ अपि–१ राखेको छ । १७ बर्षिय ६३ अपि–१ लाई जबरजस्तीकरणी गरेको सुचना प्राप्त भएपछि घटनास्थल सुरक्षार्थ ईलाका प्रहरी कार्यालय दल्लीमा कार्यरत प्रहरी सहायक निरिक्षक निर्माण विकको नेतृत्वमा गएको प्रहरी टोली र जिल्ला प्रहरी कार्यालय जाजरकोटका अनुसन्धान अधिकृत सहित गएको प्रहरी टोलीले घटना स्थलको प्रारम्भिक अनुसन्धानलाई पुरा गरेको जिल्ला प्रहरी कार्यालय, जाजरकोटले जनाएको छ । पक्राउ परेका चालक शाहीलाई जिल्ला प्रहरी कार्यालयमा पुर्याउनुको साथै थप अनुसन्धान भईरहेको जानकारी दिएको छ ।
