जिल्लामा २४ घण्टाको समयमा २२ जनाले कोरोना जितेर डिस्चार्ज भएका छन् भने, १४ जना सक्रिय संक्रमित थपिएका छन् ।
जिल्ला प्रशासन कार्यालयले बुधबार प्रकाशन गरेको कोभिड–१९ को दैनिक प्रतिवेदन विवरणका अनुसार हालसम्म जिल्लामा कोरोना भाईरस संक्रमितको संख्या १ हजार ११९ जना पुगेको छ भने, हालसम्म सन्चो भएर डिस्चार्ज हुनेहरुको संख्या ४९६ जना पुगेको छ । बुधबार जिल्लामा ६११ जना सक्रिय संक्रमितहरुले होम तथा अस्पतालको आईशोलेसनमा रहेर उपचार गराई रहेका छन् भने, थप उपचारका लागि हालसम्म जिल्ला भन्दा बाहिर १० जनालाई रेफर गरिएको छ । प्रकाशित दैनिक प्रतिवेदन बिबरणका अनुसार हालसम्म २ जना संक्रमितको जिल्लामै मृत्यु भएको छ भने, एक जना संक्रमितको उपचारका क्रममा बाँकेको नेपालगञ्ज स्थित भेरी अञ्चल अस्पतालमा मृत्यु भएको थियो । जिल्ला प्रशासन कार्यालय, जाजरकोटले प्रकाशन गरेको कोभिड–१९ को दैनिक प्रतिवेदन विवरण ११ चैत २०७६ देखि १२ जेठ २०७८ सम्मको हो ।
छेडागाड नगर अस्पतालले गरेको परीक्षणबाट गर्भवती महिलाई कोरोना पुष्टी
छेडागाड नगरपालिकामा रहेको नगर अस्पतालमा बुधबार २ जनालाई कोरोना पुष्टी भएको छ । बुधबार अस्पतालले ६ जनालाई गरेको एन्टीजेन परीक्षणबाट २ जनालाई कोरोना पुष्टी भएको नगर अस्पतालमा कार्यरत कुन्ता गिरीले जानकारी दिएकी छन् । गिरीले दिएको जानकारी अनुसार कोरोना पुष्टी भएका २ जना मध्ये एक जना पुरुष रहेका छन् भने, एक जना गर्भवती महिला रहेकी छन् ।
भेरी नगरपालिकामा २० जना संक्रमित थपिए
भेरी नगरपालिकामा २४ घण्टाको समयमा २० जनालाई कोरोना पुष्टी भएको छ । मंगलबारसम्म गरिएको परीक्षणबाट कोरोना पुष्टी हुनेको संख्या ५२१ जना थियो भने, बुधबार कोरोना पुष्टी हुनेको संख्या ५४१ पुगेको छ ।
बुधबार भेरी नगरपालिकाले प्रकाशन गरेको कोभिड–१९ को दैनिक प्रतिवेदन बिबरणमा हालसम्म कोरोना सन्चो भएर डिस्चार्ज हुनेको संख्या २०८ जना रहेको छ भने, ३०३ जना सक्रिय संक्रमितले होम आइशोलेसनमा रहेर उपचार गराई रहेका छन् । थप उपचारको लागि ४ जनालाई रेफर गरिएको छ भने, २ जना संक्रमितको उपचारका क्रममा मृत्यु भएको छ ।
नलगाड नगरपालिकामा ४ जना डिस्चार्ज
नलगाड नगरपालिकामा बुधबार ४ जना संक्रमितले कोरोना जितेर डिस्चार्ज भएका छन् । होम आईशोलेसनमा रहेर उपचार गराई रहेका ३ जना र नगरपालिकाको आईशोलेसनमा रहेर उपचार गराई रहेका १ जनाले कोरोना जितेर बुधबार डिस्चार्ज भएका हुन् ।
बुधबार नलगाड नगरपालिकामा २७ जना सक्रिय संक्रमित रहेको नगरपालिकाले जनाएको छ । बुधबार प्रकाशित कोभिड–१९ को दैनिक प्रतिवेदन विवरण अनुसार १९ जना सक्रिय संक्रमितले होम आईशोलेसनमा रहेर उपचार गराई रहेका छन् भने, ८ जना सक्रिय संक्रमितले नगरपालिकाको आईशोलेसनमा रहेर उपचार गराई रहेका छन् ।
हालसम्म ४७ जनालाई कोरोना पुष्टी भएको नगरपालिकामा १२ जनालाई डिस्चार्ज गरिएको छ भने, ५ जनालाई रिफर गरिएको छ । एक जना संक्रमितको मृत्यु भएको छ ।
बारेकोट गाउँपालिकामा हालसम्म २४ जना डिस्चार्ज
बारेकोट गाउँपालिकामा हालसम्म २४ जना कोराना संक्रमित सन्चो भएर डिस्चार्ज भएका छन् । बुधबारसम्म बारेकोट गाउँपालिकामा १३५ जनालाई गरिएको एन्टीजेन परीक्षणबाट ४७ जनालाई कोरोना पुष्टी भएको प्राथमिक स्वास्थ्य केन्द्र लिम्सामा कार्यरत मोहन श्रेष्ठले जानकारी दिएका छन् । श्रेष्ठले दिएको जानकारी अनुसार हालसम्म २४ जनाले कोरोना जितेर डिस्चार्ज भएका छन् भने, बाँकी २३ जना सक्रिय संक्रमितले आईशोलेसनमा रहेर उपचार गराई रहेका छन् । १३ जना सक्रिय संक्रमित होम आईशोलेसनमा रहेका छन् भने, १० जना सक्रिय संक्रमित गाउँपालिकाको आईशोलेसनमा रहेर उपचार गराई रहेका छन् ।
