जिल्लामा २४ घण्टाको समयमा १४४ जनाले कोरोना जितेर डिस्चार्ज भएका छन् भने, ४८ जना सक्रिय संक्रमित थपिएका छन् । थपिएका ४८ जना संक्रमितहरु एन्टीजेन परीक्षणबाट कोरोना पुष्टी भएका हुन् ।
जिल्लामा हालसम्म १ हजार १६७ जनालाई कोरोना पुष्टी भएको जिल्ला प्रशासन कार्यालय, जाजरकोटले जनाएको छ । कोरोना पुष्टी भएका १ हजार १६७ जना मध्ये ६४० जनाले कोरोना जितेर डिस्चार्ज भएको जिल्ला प्रशासन कार्यालयले बिहिबार प्रकाशन गरेको कोभिड–१९ को दैनिक प्रतिवेदन विवरणमा उल्लेख गरेको छ । जिल्लामा बिहिबार ५१५ जना सक्रिय संक्रमितले होम तथा अस्पतालको आईशोलेसनमा रहेर उपचार गराई रहेका छन् । दैनिक प्रतिवेदन बिबरणका अनुसार हालसम्म थप उपचारका लागि १० जनालाई जिल्ला भन्दा बाहिर रिफर गरिएको देखाईएको छ । जिल्लामा हालसम्म २ जना संक्रमितको जिल्लामै मृत्यु भएको प्रतिवेदन विवरणले देखाएको छ । त्यसैगरी एक जना उपचारको क्रममा बाँकेको नेपालगञ्ज स्थित भेरी अञ्चल अस्पतालमा मृत्यु भएको थियो । जिल्ला प्रशासन कार्यालयले दिएको उक्त बिबरण ११ चैत २०७६ देखि १३ जेठ २०७८ सम्मको हो ।
बारेकोटमा १८ जना संक्रमित थपिए, २ जना डिस्चार्ज
बारेकोट गाउँपालिमा बिहिबार १८ जना कोरोना संक्रमित थपिएका छन् भने, २ जनाले कोरोना जितेर डिस्चार्ज भएका छन् । बारेकोट गाउँपालिकामा हालसम्म कोरोना संक्रमितको संख्या ६५ जना पुगेको प्राथमिक स्वास्थ्य केन्द्र लिम्सामा कार्यरत मोहन श्रेष्ठले जानकारी दिएका छन् । श्रेष्ठले दिएको जानकारी अनुसार बारेकोटमा हालसम्म २६ जनाले कोरोना जितेर डिस्चार्ज भएका छन् भने, ३० जना सक्रिय संक्रमितले होम आईशोलेसन र ९ जना सक्रिय संक्रमितले गाउँपालिकाको आईशोलेसनमा रहेर उपचार गराई रहेका छन् । बिहिबार बारेकोट गाउँपालिकामा ३९ जना सक्रिय संक्रमित रहेका छन् । बिहिबार ४१ जनालाई गरिएको एन्टीजेन परीक्षणबाट १८ जनालाई कोरोना पुष्टी भएको हो ।
भेरीमा ९ जनालाई कोरोना पुष्टी, ८ जना डिस्चार्ज
भेरी नगरपालिमा २४ घण्टामा गरिएको परीक्षणबाट ९ जनालाई कोरोना पुष्टी भएको छ भने, ८ जनाले कोरोना जितेर डिस्चार्ज भएका छन् ।
बिहिबार १९ जनालाई गरिएको एन्टीजेन परीक्षणबाट ९ जनालाई कोरोना पुष्टी भएको भेरी नगर स्वास्थ्य सह–संयोजक तथा जनस्वास्थ्य निरिक्षक निशा थापा केसीले जानकारी दिईएकी छन् ।
भेरी नगरपालिकाले बिहिबार प्रकाशन गरेको कोभिड–१९ को दैनिक प्रतिवेदन बिबरण अनुसार नगरपालिकामा हालसम्म ५५० जनालाई कोरोना पुष्टी भएको छ । भेरीमा हालसम्म २१६ जनाले कोरोना जितेर डिस्चार्ज भएका छन् भने, ३०४ जना सक्रिय संक्रमितहरुले होम आईशोलेसनमा रहेर उपचार गराई रहेका छन् । थप उपचारको लागि हालसम्म ४ जनालाई रिफर गरिएको छ भने, २ जना संक्रमितको उपचारका क्रममा मृत्यु भएको थियो ।
पिसीआर परीक्षणको लागि हालसम्म भेरी नगर स्वास्थ्य शाखाले ५९८ जनाको स्वाव संकलन गरेको थियो । पिसीआर बिधिबाट गरिएको परीक्षबाट ३२७ जनालाई कोरोना पुष्टी भएको थियो भने, ल्याव प्रयोगशाला सुर्खेतबाट ३९ जनाको रिर्पोट आउन अझै बाँकी रहेको दैनिक प्रतिवेदन विवरणमा उल्लेख गरिएको छ । त्यसैगरी ६४२ जनामा गरिएको एन्टीजेन परीक्षणबाट २२३ जनालाई कोरोना पुष्टी भएको दैनिक प्रतिवेदन बिबरणमा देखाईएको छ ।
नलगाडमा ४ जनालाई कोरोना पुष्टी
नलगाड नगरपालिकामा २४ घण्टामा गरिएको परीक्षणबाट ४ जनालाई कोरोना पुष्टी भएको छ । बिहिबार ९ जनालाई गरिएको एन्टीजेन परीक्षणबाट ४ जनालाई कोरोना पुष्टी भएको नलगाड नगरपालिकाले बिहिबार प्रकाशन गरेको कोभिड–१९ को दैनिक प्रतिवेदन विवरणमा उल्लेख गरिएको छ ।
हालसम्म ९८ जनालाई गरिएको एन्टीजेन परीक्षणबाट ५१ जनालाई कोरोना पुष्टी भएको प्रतिवेदन विवरणले देखाएको छ । हालसम्म ८ जनाले कोरोना जितेर डिस्चार्ज भएका छन् भने, ७ जनालाई थप उपचारको लागि रिफर गरिएको छ । एक जना संक्रमितको मृत्यु भएको थियो । बिहिबार नलगाड नगरपालिकामा २७ जना सक्रिय सक्रिमितले आईशोलेसनमा रहेर उपचार गराई रहेका छन् । २७ जना सक्रिय संक्रमितहरु मध्ये १८ जना सक्रिय संक्रमितले होम आईशोलेसनमा रहेर उपचार गराई रहेका छन् भने, ९ जना सक्रिय संक्रमितले नगरपालिकाको आईशोलेसनमा रहेर उपचार गराई रहेका छन् ।
जुनीचाँदेमा १६ जनालाई कोरोना पुष्टी
जुनीचाँदे गाउँपालिका–३ मा बिहिबार गरिएको परीक्षणबाट १६ जनालाई कोरोना पुष्टी भएको छ । ३९ जनालाई गरिएको एन्टीजेन परीक्षणबाट १६ जनालाई कोरोना पुष्टी भएको गाउँ स्वास्थ्य शाखा संयोजक प्रेम शाहीले जानकारी दिएका छन् । बिहिबार कोरोना पुष्टी हुनेहरुमा गाउँपालिकाका जनप्रतिनीधि, १२ कर्मचारी र स्थानीय नागरिक रहेको संयोजक शाहीले बताएका छन् । जुनीचाँदे गाउँपालिकामा एक हप्ताको लागि गाउँपालिकाले सम्पूर्ण सार्बजनिक सेवाका कामलाई बन्द गरिएको सुचना प्रकाशित गरिएको छ । हालसम्म गरिएको परीक्षणबाट जुनीचाँदेमा ५३ जनालाई कोरोना पुष्टी भएको शाहीले बताए । संयोजक शाहीले दिएका जानकारी अनुसार हालसम्म जुनीचाँदेमा २ जनाले कोरोना जिते डिस्चार्ज भएका छन् भने, २ जनालाई नेपालगञ्ज र २ जना सुर्खेत गरेर ४ जनालाई रिफर गरिएको छ ।
यो समाचार तयार गर्दासम्म छेडागाड नगरपालिका, कुशे गाउँपालिका र शिवालय गाउँपालिकाबाट कोरोना संक्रमण सम्बन्धिको आधिकारिक जानकारी प्राप्त भएको छैन ।
