भरुवा बन्दुक सहित नलगाड नगरपालिकाबाट एक जनालाई प्रहरीले पक्राउ गरेको छ । नलगाड नगरपालिका–८ कुसेनीबाट भरुवा बन्दुक सहित एक जनालाई प्रहरीले पक्राउ गरेको हो ।
नलगाड नगरपालिका–८ कुसेनीका लिल बहादुर पुनका ३३ बर्षिय छोरा बीर बहादुर पुनलाई भरुवा बन्दुक सहित पक्राउ गरिएको जिल्ला प्रहरी कार्यालय जाजरकोटले जनाएको छ । भरुवा बन्दुक सहित बाटोमा हिडिरहेको अबस्थामा पुनलाई अस्थायी प्रहरी पोष्ट मैदेको प्रहरी टोलीले सोमबार पक्राउ गरेको जिल्ला प्रहरी कार्यालयले जानकारी दिएको छ ।
अबैध एक नाले भरुवा बन्दुक सहित पक्राउ भएका पुनलाई जिल्ला प्रशासन कार्यालय, जाजरकोटबाट म्याद थपगरी अनुसन्धान गरिरहेको जिल्ला प्रहरी कार्यालय, जाजरकोटले जनाएको छ ।
