गत साउन ३१ गते आएको पहिरोबाट विस्थापित भएका नलगाड नगरपालिका–४ कोठीगाउँका भिमबहादुर डाँगी शुक्रबार सहयोग हस्तान्तरण गरिएको छ । बिस्थापित डाँगी परिवारलाई विभिन्न निकाय र व्यक्तिले दिएको सहयोग शुक्रबार हस्तान्तरण गरिएको हो ।
डाँगी परिवारलाई नेपाल रेडक्रस सोसाईटी जिल्ला शाखा जाजरकोटले दिएको त्रिपाल, भाडाकुढा, लत्ताकपडा, जिल्ला प्रशासन कार्यालय जाजरकोटले दिएको ५ हजार नगद र पत्रकार बद्री पन्तले दिएको २५ किलो चामल नलगाड नगरपालिका–५ कालिमाटीमा हस्तान्तरण गरिएको थियो । समाजसेवी तथा स्थानीय व्यापारी रण बहादुर वली मार्फत उक्त सहयोग हस्तान्तरण गरिएको पत्रकार पन्तले जानकारी दिएका छन । पत्रकार पन्तले सहयोगी निकाय तथा दाता सबैलाई हार्दिक धन्यवाद दिएका छन् ।
साउन ३१ गते आएको पहिराले डाँगीको एउटा घर पुरिएको थियो भने, अर्को घर अति जोखिम पुगेको थियो । ५ जनाको परिवारलाई खुल्ला चौरमा पाल टाँगेर डाँगीले राखेका छन् ।
