नलगाड नगरपालिकाका पहिरो पिडितलाई राहत हस्तान्तरण गरिएको छ । जिल्ला प्रशासन कार्यालय र नेपाल रेडक्रस सोसाईटी जिल्ला शाखा जाजरकोटले दिएको राहत पहिरो पिडितलाई बुधबार हस्तान्तरण गरिएको हो । नलगाड नलगरपालिका–५ कालिमाटीका समाजसेवी धनवीर चनारा मार्फत जिल्ला प्रशासन कार्यालय र रेडक्रस सोसाईटी जाजरकोट शाखाले दिएको राहत पहिरो पिडितलाई हस्तान्तरण गरिएको थियो ।
पहिरो पिडित नलगाड नगरपालिका–४ बागमारेका खर्कबहादुर कामी र वडा नं. ६ थाप्ला फर्साका भद्रबादुर खड्कालाई नेपाल रेडक्रस जाजरकोटले दिएको त्रिपाल, लत्ताकपडा, भाडाकुडा र जिल्ला प्रशासन कार्यालय जाजरकोटले दिएको प्रति परिवार ३ हजार नगत हस्तान्तरण गरिएको थियो ।
अर्का पहिरो पिडित नलगाड नगरपालिका–५ बाउसेखोलाका शेरबहादुर वलीलाई पत्रकार बद्री पन्तले ३० किलो चामल, १ किलो चिनि हस्तान्तरण गरेको जानकारी दिए । पत्रकार पन्तले पहिरो पिडितलाई सहयोग गर्ने नेपाल रेडक्रस सोसाइटी जाजरकोट सभापति हरि बहादुर बस्नेत र प्रमुख जिल्ला अधिकारी प्रेम प्रकास देवकोटा लगाएत सबैलाई धन्यवाद दिएका छन् ।
