निर्माण ब्यवसायी संघ, जाजरकोट अध्यक्षमा रणबहादुर कार्की निर्वाचित भएका छन् । नयाँ कार्यसमिति चयनमा सहमति जुटन नसकेपछि मंगलवार भएको निर्वाचनबाट अध्यक्ष पदमा कार्की निर्वाचित भएका हुन ।
प्रत्यासी बुद्धिबहादुर खत्रीलाई १२ मतको अन्तरले पराजित गदै कार्की अध्यक्षमा निर्वाचित भएका हुन् ।निर्वाचनमा ८९ मत खसेको थियो निर्वाचन अधिकृत भीम बहादुर सिंहले भने, ३ मत बदर भएको थियो, कार्कीले ४९ मत ल्याएर विजयी भएका छन भने, उनका निकटतम प्रतिस्पर्धी खत्रीले ३७ मत प्राप्त गरेका छन ।
अधिकृत सिंहले दिएको जानकारी अनुसार बरिष्ठ उपाध्यक्षमा दिर्घजंग सिंह, उपाध्यक्षमा भक्तबहादुर बस्नेत र इश्वरी खत्री, महासचिवमा भीमबहादुर शाह, सचिवमा गणेश बटाला र कोषाध्यक्षमा विजयश्वरी खड्का निर्वाचित भएका छन् । त्यस्तै सदस्यहरुमा अनिल कुमार आरसी, मुकुन्द प्रसाद शर्मा, चित्रबहादुर बोहरा, मानबहादुर खड्का, चित्रबहादुर शाही र दुर्गाबहादुर श्रेष्ठ निर्वाचित भएका छन ।
