जाजरकोट
जाजरकोट जिल्ला सदरमुकाम खलंगामा १३२ औं माओ दिवसको अबसरमा अन्तरक्रिया कार्यक्रमको आयोजना गरिएको छ । विप्लव नेतृत्वको नेकपा जाजरकोटको आयोजनामा १३२ औं माओ दिवसमा अन्तरक्रिया कार्यक्रमको आयोजना गरिएको थियो ।
‘नेपाली विशेषताको समाजवाद’ विषयक अन्तरक्रिया कार्यक्रमको मुख्य बक्ताहरुमा नेकपाका पोलिट व्युरो सदस्य आधार, नेकपा (माओवादी केन्द्र) का केन्द्रिय सदस्य तथा जाजरकोट इन्चार्ज गगन बहादुर खड्का (जीवन), नेकपा (एकीकृत समाजवादी) का केन्द्रिय सदस्य कमान बहादुर खड्का, नागरिक समाज जाजरकोटका संयोजक राजेन्द्र विक्रम शाह रहेका थिए । गैरीखाली स्थित रातोघरको सभाहलमा आयोजित अन्तरक्रिया कार्यक्रममा नेकपा (एस) का जिल्ला कमिटी सदस्य गोविन्द बुढा, नेपाल पत्रकार महासंघ जाजरकोटका पुर्वअध्यक्ष बालकुमार शर्माले हलबाट जिज्ञासा राखेका थिए ।
नेकपाका केन्द्रिय सदस्य तथा जाजरकोट इन्चार्ज पौरख सी को अध्यक्षमा आयोजित अन्तरक्रिया कार्यक्रमको संचालन केन्द्रिय सदस्य सुर्यकिरण सीले गरेका थिए ।
